بدر سامحني !!!!(قصة حلوة ومؤثرة)

بدر سامحني ........!! للكاتبه : بائعة الزهور

الفصل الاول

انسدحت على السرير ويدها تحت راسها .. وتفكر في اللي صارواللي بيصير وممكن يصير والكلام اللي قالته لها امها يرن في اذنها ومب مصدقه روحها .. / الحين من صجهم انا اخذ المليونير بدر .......... انا المنتفه بنت الفقر بنظره يخطبني ياااربي ويبون الرد باجر .. _ لفت الصوب الثاني _ والله مب مصدقه .. اكيد ابوي واخوي وافقوا اكيد .. وما اظن ان رايي له اهميه عندهم .. اااه ياربي .. انا هالريال اذا باخذه احس بكون مثل الخدامه.. والا اهو احسه مغرور ومزواج .. ياربييييييي شسوي .. طول عمري احلم بواحد نفسه .. ويوم ياني ماابيه .. اوووف انا بعد شنو ما ابيه .. في وحده ايها واحد مثل بدر وترفض .. حتى لو اكبر مني بـ 8 سنوات بس صغير يعني 30 سنه موكبير .. اه والله ماعرف شسوي / شوي وينفتح الباب .. دخلت الغرفه كانت ظلام .. وباااااااارده .. فتحت الليت واول ماشافت شهد ماتت من الضحك على شكلها ..

شهد وبعصبيه : اشفييج يالسباله ؟!
حور وهي ميته من الضحك : شوفي نفسج جنه حد ميت عندج الا زواج هو
شهد تتنهد وكلامها فيه نبرة خوف : خايفه يا حور الزواج هاي احس وراه شي والا واحد مثل بدر يفكر ياخذ وحده مثلي ؟!!
حور تهز راسها وقعدت على السرير جنبها : يالغبيه احمدي ربج واشكريه الف مره ولاتترددين وافقي وانتي مطمأنه ..
شهد قعدت على ريلها : مادري مادري
حور وهي طالعه : على العموم ابوي و سلمان ينطرون الرد باجر
شهد منزله راسها :هاي المشكله
حور التفتت عليها : استخيري ومابيصير الا اللي فيه الخير ان شاء الله

طلعت حور وزاد خوف شهد ياربي شسوي مالي غيرك الحين .. تمت خمس دقايق ساكته وخيالاتها وصلتها للعرس .. طبعا واحد مثله ماراح يرضى يكون عرسه الا راقي وبأكبر الفنادق وشهر العسل من بلاد لين بلاد .. والبيت اللي بسكن فيه اكيد بيكون كبير وفيه حديقه وبرجة سباحه وخدم وحشم .. احسن لي من هنيه كل يوم هواش معا سلمانوه .. انتفضت مره وحده وجنها صحت من الحلم .. اللله محلا الاحلام .. ااااااه خل اقوم استخير والله يجدم اللي فيه الخير ..

دخلت حور الصاله وقعدت مجابله التلفزيون وسلمان يتعشى .. التفت عليها وتم يطالعها .. هذي متى تعرس ونفتك منها بعد .. اااخ بدر يصير نسيبي والله ياااحظي اتخقق جدام الناس ووين مارحت ويت بينادوني نسيب المليونير .. يالله ياشهوود شدي حيلج واخذيه انتي الوحيده اللي املي ماخاب فيج ......

سلمان يطالع الساعه : انتي ماتشوفين الساعه 1 الحين ؟!
حور وبكل برود : وشنو يعني
سلمان وقف : يعني رقاد ياعمتي حور
حور تطالعه بخوف : سلمان الله يهداك الناس اجازه وسهر لين الصبح / وتمت تتكلم لين اقتنع .. راح وهو ساكت وعلامات الانتصار باينه على ويهها / انا ارويك ياسلمانوه مب انت اللي تمشي رايك علي

قامت الصبح وهي تحس بضيق في صدرها .. الظاهر انها مومرتاحه لهاي الزواج .. شهد ماسكه صدرها .. انا قلت هالزواج ماوراه خير .. ياربي اخاف اقولهم رايي ويغصبوني .. انا هالشخص مادش مزاجي مابيه .. انا لازم اروح اقول حق امي هي الوحيده اللي بتوقف معاي لازم اكلمها .. وراحت لها ودقات قلبها تطق بقو تخاف تكون ردة امها عكس اللي تتوقعه ..............

ام سلمان : كيفج يايمه هذي حياتج ومستقبلج وانتي اللي تقررين
شهد بفرح : صج يمه صج ؟ ( وضمتها ) الله لايحرمني منج
ام سلمان : انا بقول حق ابوج والله يستر من ردة فعله .. هو يمدح لي الريال امس ويقول انه وايد زين
شهد تطالع الارض : يمه ما ارتحت له كلش ... مابيه يمه لاتخلينهم يزوجوني غصب
ام سلمان : ان شاء الله يمه ولايهمج انا بحاول

مرت ساعه وانتشر في البيت ان شهد رفضت بدر .. بوسلمان تقبل الامر ووافق على راي بنته .. استانست وايد .. وحست انها ارتاحت من الهم اللي تفكر فيه .. ابوها وقف معاها ورضى بردها يعني خلاص انتهى كل شي وماباخذ بدر .. لكن المصيبه ان سلمان قلب البيت فوق حدر اشلون شهووووود هذي المنتفه اللي الـ ريال100 ماتشوفها ولاتعرف شكلها ترفض واحد مثل بدر يلعب بالفلوس لعب ( سلمان اللي هامه في الامر هو الفلوس مايفكر في مستقبل اخته ولا حياتها .. مع انه يدري ان بدر متزوج 4 مرات ومطلق .. ) .. نطر لين يطلع ابوه من البيت وراح لها الغرفه والغضب بيفجره .. فتح الباب بقو .. واول ما شافته انصدمت وخافت لانه مسوي لهم رعب في البيت ..

سلمان قرب منها وهو راص على اسنانه : انتي على أي اساس ترفضين هااااااااااا
شهد والرجفه في جسمها كله : مااابيه ياخي مااابيه اشبيصير يعني انا صليت وما ارتحت له مابيه مابيه
سلمان قرب منها وخاطره يعطيها كف على ويها بس ماسك اعصابه : ليش ماتبينه شايفه لج شوفه ثانيه يالــــــ .. وسكت
شهد ميته من الخوف وتصيح : مااابيه انته ماتفهم قلت لك ما ارتحت له غصب هو تخيل نفسك مكاني
سلمان زادت عصبيته : هذا اللي بيعز وبيرزج اذا مارديتي حق ابوي وقلتي له اني موافقه ترى بتندمين
شهد : مااااااااااااابي مااابي سلمان انت تغصبني على كل شي واطيعك بس هالمره مستحيل فاهم
سلمان انصدم من جرأتها شهد تكلمه بهالاسلوب معناتها الكل يحتقره في البيت لاكن ماهمه المهم انها تاخذ بدر : يعني تعانديني ها ؟!
شهد تصارخ وتصيح بأعلى صوت : اييي اعاندك اذا تهدمت حياتي انته مابتتضرر
سلمان : ارويج

طلع بسرعه وامه واقفه وماتكلمت ولاكلمه وحور واقفه وراها وتنتفض من الخوف .. وهي مستغربه شهد اشلون تتجرأ وتكلمه جذيه اول مره بحياتها .............

دخلت حور عليها لقتها طايحه على السرير وميته من الصياح وخايفه ان سلمان يزوجها غصب ..كان شكلها يقطع القلب من داخل .. اااااااه يقلبي الله يعين الحرب بدت انا غبييه ليش اعانده لو ماخذته بالسياسه كان ممكن يهدي ونحل الموضوع بالتفاهم لاكن انا غبيه غبيه وتضرب راسها بالسرير ..

شهد وبقو : انا غبيه انا غبيه
حور قربت منها : بس حبيبتي شهد بس محد يقدر يغصبج
شهد بصراخ : طلعييييي برى طلعييي برى مابي اشوف احد طلعييي
حور وهي تطلع : ان شاء الله ان شاء الله هدي اعصابج

تمت على هالحال يومين كله صيااااح وتفكير انهد حليها عدل ماتاكل ولاترقد وطول هالمده سلمان ساكت وماسوى شي للحين زاد خوفها .. والله ماعرف شسوي ياربي ساعدني ساعدني .. الليله هذي ذاقت شهد طعم النوم ماحست بنفسها الا وهي راقده لانها كانت ميته من التعب .. قعدت الصبح وراحت غسلت ويهها وبدلت ملابسها .. والا تسمع احد يتكلم عند باب غرفتها راحت وحطت اذنها ..

سلمان : انا رحت له الشركه وعطيته كلمه وخلاص الليله بيي
ام سلمان منصدمه : شنوووو ؟! انت تدري ان ابوك مب راضي اشلون تسوي هالشي ؟! والبنت ماتبيه انت على كيفك يافشيلتنا فالريال يافشيلتنا
سلمان وهو رايح : كيفكم عاد .. اليوم بيي.. وبنتج الخبله ماتعرف ولاتفهم شي .. وانا باللي اسويه احافظ على مستقبلها

انصعقت شهد من الكلام .. قاله اني موافقه .. تمت واقفه والافكار تدور في مخها .. انا باخذ بدر غصبا عني .. رمت نفسها على اقرب كرسي .. ونزلت دمعه حاره .. بس مسحتها وتماسكت وطلعت من الغرفه تمشي بسرعه على الصاله واول ماوصلت الا سلمان يطالع التلفزيون وياكل حب وقفت وبكل قوتها تتكلم وتقول اللي في قلبها ..

شهد تأشر على نفسها : انا اذا بتزوج باخذ واحد مقتنعه فيه وابيه .. لاكن تروح تتفق مع الريال وتقوله اني موافقه معناتها تزوجني غصبا عني هذا ما ارضى فيه
سلمان يضحك : وفري كلامج حق نفسج والريال ياي يخطبج اليوم رسمي ومعا هله روحي الصالون وتكشخي خل يقولون مرت بدر ماشفنا مثلها يلاا ..
شهد والدموع تنزل من عيونها : ماباخذه والله ياسلمانوه افشلك جدامه والله وانا برويك
سلمان : اشبتسوين يعني بتقولين له مابيك ؟!
شهد : ايييه بقوله وبتشوف
سلمان بدون اهتمام : روووووووحي زين

راحت شهد والدموع تنزل بغزاره وهي تتوعد في سلمان .. مب هو اللي يزوجني غصبا عني انا ارويك ياسلمانوووووه .. دخلت غرفتها وورقعت الباب وراها وتمت تفكر وتفكر لين لقت الحل اللي ممكن يكون مناسب هي بتصبر ليين تسوي اللي في بالها .. طلعت الصاله والا كلهم قاعدين وبوسلمان متلوم اشبيسوي اليوم سلمان فشلنا في الريال .. حسبي الله عليك من ولد .. وسلمان ولا هامه اهم شي يكون نسيبه بدر .. دخلت شهد والابتسامه على ويهها ..

شهد : ممكن اقول شي
بوسلمان : تفضلي يايمه ولو اني متفشل منج ومن الريال
شهد : لايبه ماله داعي تتفشل .. خلاص انا موافقه
سلمان منصدم : والله موافقه
بوسلمان مستانس : عفيه على بنتي والله وفرتي علي احراج اليوم
حور حضنت شهد وهي ميته من الوناسه : مبروووك حبيبتي مبرووووك الف مبروك
شهد متصلبه في مكانها ولاتتحرك : الله يبارك فيج
سلمان : مبروووك يالغاليه عليج بدر والله انه نشمي
شهد من يابو طاريه وهي كرهته زياده مع انه ماسوى لها شي طاحت بحضن امها وماتت من الصياح الكل انصدم توها مستانسه : اشفيج يمه ؟ ليش تصيحين
شهد تشاهق : مابي افارقكم يمه ابي اكون معاكم ما اتخيل اكون بعيده عنكم
ام سلمان تحضن بنتها بكل حنان : وي يابنتي اليوم الا ملجه وبتمين عندنا مب عرس هو
اذن المغرب .. صلت شهد وخذت شاااور وطلعت فتحت الكبت .. كل الملابس عاديه .. قعدت تدور وتدور ملابس تليق بعروس حصلت بدله حمرا شاريتها غاليه شوي لحفلة رفيجتها .. لبستها وخلت شعرها مفتوح .. وكان لين نص ظهرها .. وحطت ورده على جنب ونزلت خصل على ويهها وحطت ميك اب خفيف .. ظل احمر واي لاينر .. وغلوس شفاف وطالعه اتينن ..دخلت الحور عليها معا العنود رفيجة شهد لانها عزمتها على الملجه واول ماشافتها ..

العنود تحضن شهد : ماشاء الله ماشاء الله عليج اتيننين الف مبروك حبيبتي
شهد شوي وتنزل دموعها :الله يبارك فيج عنودوووه عقبالج
العنود تمسح على ويهها :بس لاتصيحين يخترب كل شي
شهد : هههههههه لا ماعليج مابصيح

والا سلمان يطق الباب يبي شهد اتوقع .. اول ماعطوها الورقد والقلم تمت يدها ترتجف .. تمالكت نفسها ووقعت .. ااااه ياحياتي اليديده الله يستر منج .. مدري خير والا شر .. فرح والا حزن .. وعطوا سلمان الورقه ووداها .. وهي بان على شكلها الخوف

العنود تبتسم : الله يوفقج حبيبتي
حور : الله يغربلج شهود ما اتخيلج تروحين عني وتخليني معا سلمانوه الهبل
شهد وأبتسامه مصطنعه : الله يعينج عليه يالله تزوجي وافتكي
العنود : انزين يالله الحريم ينطرون
شهد : يالله

طلعت واول ماشافوها الحريم .. ماتو عليها ام بدر وجارتهم .. طبعا هو ماعنده الا اخت وحده اسمها ريم .. عمرها 18وامه .. وابوه متوفي ورث الحلال .. وصار عنده ملايين .. سلمت على الكل وقعدت .. طول القعده كان الحزن طاغي عليها ياربي اشلون اخذ واحد مابيه ولا مقتنعه فيه ولا شفته ولا اعرفه حتى .. ااه والله مادري شبيصير .. سلمانووه حكمت علي هالحيااه لاكن مستحيل اخليك تمشي اللي ببالك ............. شوي والا امها تقولها ان بدر يبي يشوفها .. العرق تصبب منها من قالت لها امها هالكلام .. اقعد معاه بعد .. بيخلوننا بروحنا لااااااااااااا .. اخاف استحي انحرج مابي .. وبعد حنه قامت وتوجهت صوب الميلس ..

سلمان : يالله دخلي ينطرج
شهد:اوكي



اذا عجبتكم القصة راح انزل لكم الاجزاء الباقية
ابي ردود حلوة . ........

تحياتي بحرينية وافتخر

ثانكس عل موضوع بس ماقريته بروح الشغل

يسلموو ع قصه



نتظر باقي

سلمان : يالله دخلي ينطرج
شهد:اوكي

مشت بخطوات بطيئه صوب الميلس وجسمها يرتجف .. وخايفه بتمووت اول مره تقعد معا ريال اشلون بتكلمه .. اااه ياربي .. وجان زين ابيه بعد .. ما اواطنه ولا احبه اكررهه .. ااه ما ادري ليش هالمشاعر تجااهه مع اني ماشفته ولا اعرفه .. ما اعرف الا انه بدر وعنده فلوس .. هاي اللي قالوا لي عنه .. وقفت عند الباب وخذت نفس قوي .. حطت يدها على المقبض .. وشلتها على طول .. ياااااااااااربي اخاف اخااااااااااااااف .. بسم الله .. تمالكت نفسها وفتحت الباب شوي شوي .. التفت على الباب ينطر احد يدخل .. مشت شوي شوي .. وبانت جدام عيونه .. انصدم اول ماشافها .. هذي شهد اللي يقولون عنها ؟؟؟؟؟ .. مستحيييل .. ماتوقع انها بهالجمال الروووعه والوجه الطفولي والملامح الناعمه .. وقفت وكانها ملاك وراسها بالارض ماشافته ولاتبي تشوفه .. بعد الذهول اللي صاده انتبه ..

بدر : تفضلي قعدي

اااه ياصوووته عذاااااااااااب .. حرك الدم داخلها .. حست بشي غريب .. شي داخلها تحرك .. صوته رناان .. يذوب الصخر .. ااااه .. وراحت قعدت على كرسي شوي بعيد ولحد الان ماشافته .. هو الرجفه في جسمه كامل مايعرف شيسوي .. قام .. وهي تشوفه يتقرب ويتقرب لين قعد معاها بنفس الكرسي

بدر : شهد شخبارج ؟!
شهد بنبرة خوف : الحمــ مـــد لله
بدر مرتبك : ليش خايفه ما اكل انا
شهد منزله راسها وميته من الحيا : لا عادي
بدر : ترى حتى انا مرتبك لاتغترين فيني ( وتم يضحك )

شهد ماتت على ضحكته وصوته وهو بعد مات عليها وعلى صوتها حس ان هالانسانه بتكون معاه طول العمر مب اللي فاتوا .. لمس فيها التوتر شوي وحب ينسحب

بدر : خلاص اترخص انا
شهد في خاطرها احسن وفكه بعد : براحتك

طلع من عندها .. وقالت حق اخوها وابوها ان ماتبي تكلمه لين العرس بس سلمان قالها لازم تكلمينه وتعرفين عنه زياده وبعدين شيقولون حق الريال ماتبي تكلمك بيقول ماتبيني .. سلمت امرها لله ووافقت انه تكلمه

دخل بدر بيتهم وهو يدعم الطوف امه واخته يكلمونه مايرد عليهم مذهول منصدم من اللي شافه من شوي .. هذي بتكون زوجتي ؟ مب مصدق .. اتيين الا قمر وملاك بعد .. اااه على رقتها نعومتها صوتها اااه كل شي فيها حلو عذاااب اااااااااه الحمد لله يارب على النعمه اللي وهبتني اياها .. هذي مستحيل افرط فيها .. اول ماشفتها دخلت قلبي .. احسها وايد طيبه وحبوبه وحليوه وحياويه .. فدييييييييتها .. فديتها ؟ معقوله حبيتها بهذي السرعه .. ايه احبها ليش ما احبها هذي زوجتي وشريكت حياتي .. اااه والله ابي اعرف عنها كل شي ابي اكلمها أي اليوم بتصل لها .. اااه والله احس اني عايش في حلم .. راح بدر وقال حق ريم انها تكلم شهد واتقولها انه اليوم بيكلمها ............

مادقت الساعه 2 .. الا تلفونها يرن .. وشافته رقم ريم هي ماعطتها المغرب .. حست بملل .. اكيد يبي يكلمني اووف والله اني مب متفرغه له .. ردت بصوت مشحوح

شهد : هلا ريم امري
ريم تطالع بدر وتكلمها : راقده ؟!
شهد حصلت منفذ : أيه راقده .. ريم اشفيج ؟!
ريم :لا بس بدر يبي يكلمج
شهد متوهقه ماجدامها الا تكلمه : اوكي
ريم عطت بدر التلفون وعلى طول راح غرفته وسكر الباب وهي تصارخ عليه تخاف رصيدها يخلص .. طقع لها وقعد على السرير ويسمع شهد تتنفس لانه للحين ماتكلم .. وهي بس تسمع ترضخ بيبان .. خذ نفس عميق ..

بدر متشقق : السلام عليكم
شهد ماتت من الحيا : عليكم السلام هلا
بدر : اشحالج الغاليه
شهد في خاطرها بعد غاليه اوووف : الحمد لله تمام وانت ؟!
بدر : الحمدلله
شهد تبي تسكر بأي طريقه : .......
بدر : راقده ؟
شهد : ايي وايد تعبانه
بدر : اسم الله عليج يالغلا كل شي ولا انتي
شهد حست بشي غيييير : مشكور
بدر : والله ماودي اسكر بس حاس فيج متضايقه
شهد انصدمت واتفشلت بنفس الوقت .. اشلون حس فيني واشلون عرف .. : لالا عادي بس قلت لك راقده وتعبانه
بدر:خلاص انا بخليج الحين ترتاحين واكلمج باجر
شهد في خاطرها تقول احسن : براحتك

سكرت من عنده توها بترد تتلحف بس وقفت لحظه رجعت راسها لورى وتمت اتفكر .. مسكيين ليش اعامله جذيه هو اشذنبه كله من سلمانوه .. بس انا ما اطيقه احسه وايد مغرور وشايف نفسه .. على شنو .. محد عنده فلوس الا هو ؟! .. بس ما ادري ليش احس بالذنب اتجاهه .. لاني اعامله واكلمه جذيه حتى هو لاحظ .. يحس فيني ( ابتسمت ) .. رااحه لما احد يحس فيك .. اااااه .. بس انا مستحيل احبه انا احس انه مايناسبني كبير ومطلق قبلي 4 .. وماخذته غصب مستحيل استقر معاه .. مستحيييل .. من الصوب الثاني بدر منسدح نفس شهد بالضبط .. ويفكر في اللي صار .. مسكينه تعبانه ماتقدر تكلمني .. فديتها والله انا هالبنت دشت مزاجي .. باجر بكلمها والله وحشتني .. متى نتزوج متى ......................

بعد 3 ايام تحدد كل شي الخطوبه بعد اسبوع في قاعة صغيروونه بالماريوت لعيدالميلاد والخطوبه وغيرها .. والعرس بعد 3 شهور .. شهد حستهم مستعيلين .. ليش عاد .. اوووف .. انا مابي اكون وياه مابي اطلع من هالبيت مابي هالشخص يقهرني في كلامه .. ليييش يكلمني بحنان انا مابي احبه .. مابي ابادله الشعور .. من صليت ذاك اليوم وانا احاسب حق كل شي .. قمت مضايقه لان الزواج هذا وراه شي .. مابي احبه .. لا ومغصوبه عليه .. يااااااااربي شهالزمن وسلمانووه الخايس من العصر الحجري انا ارويه ..

بعد ماصلت العصر قعدت تقرا لها قرأن شوي .. حست براحه .. قامت وبدلت ملابسها .. وقعدت تجرب مكياج وتلعب في ويهها .. وتذكرت ان بعد 4 ايام خطوبتها ماجهزت شي كلش .. دقت على الممكيجه اللي دايما اتروح لها .. واتفقت معاها انها تحط لها ميك اب وتسوي شعرها .. والفستان قررت انها تروح اليوم الثاني تشتريه .. شهد حست نفسها مستسلمه حق الامر كلش .. وحبت اتعدي كل شي على خير لين اتسوي اللي فبالها .. لان خلاص عودت نفسها وعلمتها .. الانسان هذا ما اقدر اعيش معااااه .. اذن المغرب .. ودخلت عليها حوور تناقز وفي ايدها كيس ..

شهد بأستغراب : شسالفه ؟! اشفيج ؟! وشنو هالي في يدج
حور حطت الكيس على السرير : هذا من حبيب القلب بدر
شهد والصدمه بينت عليها : بدر ؟!!!!!
حور : أي بدر ياقلبي هااااج ( قطت عليها الكيس ) ياي لين الباب سلم على ابوي وقاله وصله حق شهد يلاا فتحيه خل اشوف اشيايب
شهد قامت وراحت عند التسريحه ترتب العطور : فتحيه انتي وشوفيه
حور ما اهتمت لها وافتحته لانها تعودة من برود اختها ناحية بدر لاكن حلت الصدمه عليها لما شافت الهديه : شهوووووووووووووود بموووووووت شوفي اشيايب
التفتت شهد وشافت الفستان التركوازي المرصع بالالماس .. كان خيالي ووحده مثلها تتحلم في هالاشياء : فكني من الفستان .. زين بلبسه حق الخطوبه
حور منبطه جبدها : ماااااااالت عليج اقول مالت علييييج جان زين انا مكانج
شهد وهي تعلق الفستان : أي والله جان زين جان فكيتيني من المعاناه اللي انا فيها
حور وهي طالعه : المعاناه انتي يايبتها حق نفسج والا الريال ميت عليج
شهد : تسلمين مشكوره على الكلام العسل يالله فارجي

طلعت حور وقعدت شهد تتأمل الفستان .. واايد حلو عجبها .. وعجبها ذوق بدر وايد .. شوي والا تلفونها يرن واول ماشافته الا بدر
شهد بزهق : هلا بدر
بدر مستانس:هااا حبيبتي عجبج الفستان ؟!
شهد : أي وايد مشكور
بدر والخيبه باينه عليه : وليش مب مستانسه ؟!
شهد انقهرت : اشتقصد يعني لو يبت لي هالفستان بموت من الوناسه ؟! لاني بنت فقر وما اقدر البس هالاشياء ؟! زين مشكور ماتقصر وايد حلو في حياتي كلها ماتخيلت البس نفسه ماتقصر
بدر منصدم : حبيبتي اشفيج انا مب قصدي بس انا زوجج ويايب لج هديه المفروض تستانسين
شهد : اوكي خلاص انا في قمة السعاده تامر على شي لاني مب فاضيه ..!!!
بدر منصدم اكثر اول مره تكلمه جذيه : سلامتج

سكرت بدون ماتقوله باي .. وهي قعدت تتحرطم يحسبني مب شايفه خير .. انا مب ميته على اللي ايبه .. ولاهامتني فلوسه .. على باله ينقص علي بهديه .. انا ماااابيك ياخي ماااااااابيك ما اطيقك افهم .. مالك بقلبي مكان ....................... مابيك .. بس وقفت لحظه حست ان اللي قالته مو من قلبها .. قلبها يقول شي ثاني ..... يقول ممكن يكون له مكان .. ليش القساوه والتكبر ليش ياشهد .. بس عقلها يقول شي ثاني .. انا خذيته غصبا عني .. ما ارضى بهالشي وبثبت للكل اني اقدر اسوي اللي في بالي ..........

مرت الايام .. ويا يوم الخطوبه .. وبدر لا اتصل ولاطرش مسج وهالشي خلا شهد تفكر في الامر شوي .. حست انها كانت بايخه معاه .. الموقف مايستاهل كل هاي ....... يصير خير
بدو المعازيم ايون .. وشهد كانت شبه خالصه بس بقى شعرها شوي ويخلص .. مرت نص ساعه وحور وريم يرقصون .. تقربوا من بعض وايد .. حسو انهم خوات .. وكانوا يكلمون بعض كل يوم وخصوصا انهم نفس العمر .......... انفتح الباب وادخلت ..

العنود : فديييييت القمر انا
شهد : واللي يسلمج والله مو طايقته الله يعين
العنود:شهود انا اشوف تستسلمين للامر وتتركين عنج افكارج الخبيثه والله احسه طيب وريال ويستاهل كل خير
شهد بستهزاء : هه والاربع اللي طلقهم ؟!
العنود : يمكن ماتوفق معاهم شهد عطي الريال فرصه تقربي منه واذا ما ارتحتي معاه سوي اللي تبين .. بس انا حاسه انج لو تقربتي منه ولو حبيتيه بتعيشين معاه احسن عيشه
شهد : مااابي واللي في راسي بسويه

دخلت شهد على موسيقى هاديه .. الكل مات عليها .. مشت بخطوات بطيئه .. كانت مرتبكه الكل يطالعها ومركز عليها .. وبعد شوي الاخ بدر بيشرف كملت ........ لاكن الصدمه كانت كبيره .. بدر مادخل

وين الردود و التفاعل؟؟؟؟؟؟؟


تحياتي بحرينية وافتخر

الله يعافيج اختي


انشاء الله الحين بنزل لكم الجزء اليديد


تحياتي بحرينية وافتخر

بدر.. رفض يدخل .. والسبب ان القاعه كلها حريم .. كان يتمنى يشوفها ويقعد معاها لاكن اخلاقه ماتسمح له.. يحس هالشي غلط وعمره ماسواها لانه اللي خذهم قبل ماقرب العرس الا وهم مطلقين.. لذا قال انه بيها البيت فليل يبي يشوف كشختها .. والفستان اللي شراه عليها .. لبستها امه الشبكه .. وهي تفكر فالموضوع .. كبر بعينها .. مايشوف بنات .. وقعدت تفكر في كلام العنود .. ما ادري اطاوعج والا لا ........... والله ما ادري

مر الوقت بسرعه .. شهد قطعت الكيك بروحها .. وصوروها .. ورقصوا البنات .. حتى عنود اللي الحيا يذبحها .. رقصت من حبها لشهد .. مع انها قاهرتها في اللي تسويه بالريال ........ تعشوا الناس وطلعوا .. وراح الكل بيته .. دخلت شهد غرفتها وتتمنى انه ما ايي .. لاكن الحظ ضدها .. كان ينتظرها فالميلس .. راحت وهي مب هامها ولا مفتكره فيه .. دخلت وقعدت على الكرسي .. ( على فكره هي ماشافت شكله ) .. بدر مات عليها .. كانت قمر .. قرب منها ويحس كله شوق ولهفه ..
بدر : ها اشصار في الخطوبه
شهد بزهق : عادي مثل أي خطوبه
بدر ابتسم ومسك يدها وغطى عليها بيده الثانيه : زعلانه ؟
شهد ارتبكت من مسك يدها سحبتها بسرعه : لا عادي
بدر رد ومسكها بقوو ماقدرت تشيلها : شهد اشفيج علي ليش تتهربين مني ؟
شهد زاد ارتباكها يعني اقولك مابيك ؟؟؟ ما اواطنك : لا مافيني شي
بدر لصق فيها وقعد يمسح على ويهها بحناان : حبيبتي انا زوجج قولي اللي في خاطرج عندي استعداد اسمعج لو لين الصبح
شهد ماتت من الحيا وفي نفس الوقت حست انها ماخذه فكره غلط بس اشدراني مايقص علي ؟؟ ابتعدت شوي : لا مافيني شي
بدر قرب اكثر وطل في ويهها : ما ارضى اشوفج جذيه
شهد ولاول مره تشوفه من الصدمه تعيد حساباتها بسرعه كل شي يرد لورى هذي بدر ؟؟؟؟؟؟ تمت ساكته وتتامل ويهه .. وهو تم يطالعها حست بأستسلام جدامه ماتوقعت انه حلو جذيه تقرب من ويها وباسها على خدها
بدر وقف : انا طالع تامرين على شي ؟!
شهد:الله يحفظك
بدر: ان شاء الله ادقلج لو وصلت
شهد: الله يحفظك

طلع وهي تبيه ماتبي تخليه يروح تبي تكون معاه تحس بشي كبير تجاهه راحت غرفتها و تحس انه حنووون وطيب وكفايه اني غلطت عليه وياي يعتذر

بعد مابدلت وقعدت على السرير تنتظر اتصاله وهي تقول في قلبها اليوم لازم اغير معاملتي معاه شكلي ظلمته وايد.............. بس توقفت لحظه اشلون قص علي بهالسرعه معقوله انا اللي كنت رافضه كل شي اوافق بكلمتين ؟؟؟؟؟؟؟؟؟؟ .. والا التلفون يرن شافته الا هوو .. نست اللي كانت تفكر فيه وردت عليه..
.........................
بعد اذان الفير وفي بيت جنب بيت بوسلمان كانوا ينزلون شنطهم من السياره ودخلوا البيت كل واحد طاح على كرسي من التعب الجوري دخلت نامت على طول

اميره وبصعوبه : اااه والله تعبت من المطار
راكان وبصعوبه اكثر : أي والله الطيار دوور راسنا شكله عليمي
ام راكان : انا بروح ارقد .. اميره يمه وانتي رايحه قولي حق الخدامه تقفل البيبان .. الا اخوج صالح وين ؟
اميره : للحين في المطار في كم شنطه مايابهم
راكان قايم : انا اترخص بعد بروح ارقد


ام راكان رفيجت ام سلمان الروح بالروح وسبحان الله الله مافرقهم وصاروا جيران .. يروحون ويردون على بعض لدرجة ان بينهم باب والشباب يقعدون معا البنات جنهم اخوان من كانوا صغار وهم معا بعض طبعا كانوا يروحون دايما معا بيت بو راكان البر ويباتون هناك بس بعد وفاته اتركوا هالعاده.. بو راكان ودع الحياه من 4 سنين .. وترك لهم ورث محترم .. عباره عن شركة مقاولات .. يعني مستواهم المادي فوق المتوسط بشوي..

دخل صالح البيت والا اميره راقده على الكرسي .. طبعا هو مايخلي حركاته .. راح وقرب من اذونها وو ..

واااااااااااااااااااااااااااااااااااااااااا

نقزت اميره نقزت من الخوف واول ما استوعبت شافته ميت من الضحك انقهرت حدها

اميره شوي وتصيح:مررررررررض ياخذ العدو ياصلوح هذا يزاي انطرك
صالح:هههههههههههههههههههههههههههههههههههه
اميره وهي رايحه داخل : بردهاا لك يالخايس بتشوف

راحت وقطت نفسها على السرير وهو راح يدخل الشنط الباقيه رفع راسه وشاف بوسلمان طالع لصلاة الفير ابتسم وراح له

بوسلمان : الحمدلله على سلامتكم ياوليدي
صالح:الله يسلمك عمي الاهل شخبارهم لكم وحشه والله هناك امي حاشرتنا بخالتي ام سلمان
بوسلمان:ههههههههه الحريم وسوالفهم .. الا الانجليز شخبارهم ؟
صالح:هههه بخير
بوسلمان بغشمره : ماشفت وحده غاويه حق عمك
صالح:ههههههههههههههههههههههههه روح وتنقى ياعمي اشكثرهم

تموا يسولفون شوي بعدين راح بوسلمان يصلي وصالح اول ما التفت على بيتهم .. ااااااه شتسوين الحين ؟ لج وحشه يالدبه ..وقف يتذكر الاحداث اللي كانت تصير بينهم بس حس شكله غلط وكمل الدرب لين بيتهم

.....................

راكان 25 سنه
اميره 22 سنه قد شهد
صالح 20 قد سلطان
الجوري 18 قد حور

طبعا مابتعمق في شخصياتهم بتعرفون كل شي مع الاحداث

.....................

بعد ماتغدوا شهد سحبت حور معاها الغرفه وقعدتها على السرير .. قالت يمكن تفهمني .. هي الوحيده اللي تعرف بأحساسي تجاه بدر ..

شهد:حوور
حور:هااا تكلمي والله خرعتيني لايكون مسويه شي ؟!
شهد:لالا اشدخل بس
حور ميته من القهر : بس شنو تكلمي
شهد بتردد وتطالع تحت :انا احس ان بدر وايد طيب وحبوب ويستاهل كل خير
حور:ههههههههههههههههههههههههههههههههههههه
شد فرتها بالمخده : اشفيييج ليش تضحكين
حور:هههههه هاي اللي بيصير بالنهايه والله شكله خوش ولد
شهد : يعني شسوي الحين ؟! انا متحسفه
حور:هههههههه لاتسوين شي .. اتصلي فيه واعتذري منه قولي له كنت مضغوطه وايد واحط حرتي فيك
شهد مستغربه: يالدبه عندج خبره هههههههه واللله ان ريلج شكله مب مخور عنج ثواني
حور : هاهاااااي افا عليج اعجبج
شهد : انزين ذلفي يالله
حور طلعت عيونها : خلاص شبعتي الحين حصلتي حل هااا زين ارويج
شهد:يعني ماتبيني اكلمه واعتذر ؟!
حور طارت عيونها زياده : لالالالالالالا انا مب مصدقه انتي فيج شي .. ( راحت ضربة ويهها بالخفيف ) انتي شهود اختي الهبله متأكده
شهد مستحيه : بس عااااد حور خلاص روحي يالله
حور : زين زين

طلعت حور وطاحت شهد على السرير وهي تبتسم .. تفكر في بدر .. مسكين استحملني وايد

اذن المغرب وام سلمان تجهزت على شان تزور رفيجة عمرها وتتحمد لها بالسلامه .. حور رزت الويه بدلت وكشخة حدها .. وهم طالعين مروا على غرفة شهد

شهد:لايمه مره ثانيه ان شاء الله
ام سلمان:على راحتج يمه

وكملوا طريج ..

قعدت والضيج مالي كل مكان بالغرفه وعلى طول طرى ببالها بدر ..... ادق ؟؟؟ لا انا ما ادق له هو يدق .. تمت خمس دقاايق وماقدرت بتموت تبي تسمع صوته .. ااه فديتك وفديت صوتك .. ما استحملت واتصلت .. بدر من الصوب الثاني كان في الشركه للحين ما طلع يرتب حق المشروع اليديد ومعاه كم مساعد .. اول ما رن تلفونه شافه الا شهد رد وشكله مستعيل

بدر:هلا شهد
شهد:شخبارك؟
بدر:بخير الحمدلله حبيبتي اكلمج بعدين اوكي؟
شهد منصدمه : اوكي

سكرت وهي منذهله الحين انا يقولي بكلمج بعدين ..؟! يعني مب فاضي لي .. مااااااالت علي .. ليش متصله ليش.. جان زين ما اتصلت ..المفروض يحمد ربه اني تنزلت ودقيت لاكن انا ارويك والله ما ادق مره ثانيه .. اوووف مالي ويه اكلمه كلللش .. الحين اكيد بيحط في باله اني مزعجه .. ياااربي

.....................
وقف فجأه والكلمات تتردد في اذنه وترن .. شتقول خالتي شتقول .. معقوله معقوله .. لامب مصدق مستحيل .. رد التفت عليهم والصدمه باينه على ويهه الكل استغرب ماعدا اميره ركضت له وطلعته برى وهو مب مصدق اللي يقولونه

اميره : راكان
راكان يطالع تحت ومنصدم : اميره صج اللي يقولونه ؟! اميره قولي لي جذب تكفين
اميره تطالع تحت وجنها تدري ان من اليوم بتبدى معاناة راكان : راكان البنت راحت وهذا نصيبها مانقدر نعترض
راكان انقلب ويهه وبصراخ : اميره انتي شتقولين مستحيل شهد تروح مني مستحيل انتي تعرفين شنو تعنيلي هي تعرفين ( وضرب يده بالعمود بقووو )

انتبهوا اللي داخل وطلعت ام راكان بسرعه خايفه يصير شي في ولدها وشافت حالته مب طبيعيه

ام راكان : اشفيكم ؟! اشصاير ؟!
اميره تبي تغطي على الموضوع : لالا يمه بس راكان راسه يعوره شوي

التفت عليهم راكان ودموعه تتغارق بالدموع .. طلع من البيت بسرعه وامه تطالعه وهو رايح وخايفه

ام راكان بخوف : اميره اشفيه راكان اشفيه ولدي ؟!
اميره : يمه راكان كان يبي شهد بس مافي نصيب
ام راكان : وانا كنت ابيها له وقلنا له قبل لانسافر بنخطبها قال لا لو رجعنا الحين شالفايده من اللي يسويه خلاص

مسكت اميره يد امها وودتها داخل وهي تفكر في راكان الله يعين قلبك ياخوي .. هي تدري انه من كان في الـ 17 يحبها ويموت فيها .. ويبي يتزوجها .. وكان دايما يتحلم ويتخيل انها معاه وكان يقول مابسكنها هنيه بحطها في بيت بروحها على شان تاخذ راحتها .. وبسفرها وين ماتبي .. ( احلام مراهقين ) .. لاكن الحين خلاص مافي امل .........

............وقف عند اقرب رصيف وتم منزل راسه على السكان وماسكه ودموعه تنزل واهاته ماتوقف .. قلبه منقبض راحت منه حبه وروحه وقلبه راحت منه اللي شاغله باله ليل ونهار راحت لواحد ثاني اااااااه يالقهر .. ليييت الحب بدون غيره وعذااااب ليته

وش مسوي معا غيري وش الدنيا بقربه قول
يروحي انته متهني والا بشوق لي مشغول

انا مازلت افكر فيك واموت بحبك وطاريك
ولاكن هذي اطباعي اخبي الحزن بي ما اقول

امانه ان جيت في بالك تطمن قلبي عن حالك
على الذكرى انا عايش وكيف انساك مو معقول

حسبت اني بعد فرقاك راح اهوى غصب وانساك
لقيت الحب معا غيرك امل من اوله مقتول

راكان بصراخ وهو يسكر مسجل السياره بعنف : بس بس الله يخليك بس
ااااااااااه ااااااااااه ياشهد ليش رضيتي تكونين لغيري ليش ( دموعه نزلت وماتوقف وهو يتألم ويتعذب من داخل ) اااااااااااااااااااااااااااااه

بتكون لغيره بتقعد مع واحد غيره .. اااه ياعذاب قلبي انا ما اتخيل حياتي بدونها .. قلبي مايتحمل انا مايتحمل

ومن الصوب الثاني شهد ماتدري عنه ولا تبادله المشاعر وعمرها مافكرت فيه ......... كحبيب .. لانه بنظرها اخو عزيز وغالي .. قامت وسخنت لها حليب ... وراحت غرفتها .. وتاخذ صورة بدر اللي وصلوها لها اليوم وتمت تتأمل ويهه وملامحه .. فديييته زوجي اينن .. ابتسمت .. والا حور داخله عليها وتسولف لها اشصار اليوم في بيت بوراكان وان البنات يتشرهون عليها مايات ولا كلمتهم وخصوصا اميره لانها وايد معاها

...........................

مشى بالطريج العام وكان مليان تركيزه مو بالسواقه تركيزه بشهد .. اللي يننته وخذت عقله .. كان متوقع انها تحبه بس للاسف لا ..
وهو يسوق ويفكر في السالفه .. ما انتبه .. وكانت سياره مسرعه يايه صوووبه وخصوصا عند بابه

و
................
تحياتي لكم بحرينية وافتخر

سوري تأخرت هالمرة صادتني ضروف

الحين بنزل الفصل الجاي

تحياتي بحرينية وافتخر

استوعب الموقف ولف بسرعه .. ودعم الرصيف بقو .. وويهه ضرب في السكان ..
وقفوا الناس ونزل واحد يركض فتح السياره وقعد يطالع راكان والا الدم ينزل من خشمه ومايوقف

؟؟ من ورى الريال : هاي بشر ؟!
؟؟؟ وهو يعدل راسه : ينزف دم من خشمه (يلتفت عليه بخوف ) اتصل حق السعاف بسرعه

وصل السعاف على طول وركبوا راكان وسيده المستشفى .. كان مغمى عليه ومايحس باللي حوله وهالشي يطمن .. وصولوا المستشفى والدم للحين مايوقف ينزف بقوو ..

رن التلفون وراحت اميره تركض هي والجوري يتسابقون منو بيشيله ردت اميره وهي فيها الضحكه

اميره : الوو
؟؟:السلام عليكم هذا بيت .............
اميره:أي نعم تفضل اخوي

الجمله هذي شدت انتباه صالح وامه والجوري وتموا يطالعونها .. شوي والا هي حاذفه السماعه ومب مستوعبه شسالفه .. قام صالح وراح لها

صالح : اميره شفيج ؟! منو متصل ؟!
اميره دموعها تنزل :...............
صالح خاااف من قلب لما شاف منظرها وتم يصارخ : اشفيج تحجي
اميره تصارخ : راكااااااااااااااان راكاااااااان سوى حادث وهو الحين في المستشفى
صرخت ام راكان وهي ماسكه قلبها : ولدي راكان اشفيييه

بدل صالح ملابسه وراحوا كلهم المستشفى بسرعه طول الطريج اميره وام راكان يصيحون والجوري تهديهم .. صالح كان يسوق والصمت طاغي عليه مايعرف شيقول وشيتكلم .. الله يستر

اميره تصييح : ااااااااااااه ياخوي ااااااه ياراكان
الجوري تحضنها : بس اميره حبيبتي ان شاء الله مافيه الا الخير

دخلت حور عليها حصلتها منسدحه على سريرها وتسمع ام كلثوم .. الحب كله .. قعدت على السرير وهي تطالع اختها ..

حور : هههه كله جي اللي يحبون
شهد انتبهت لها وسكرت المسجل : منو اللي يحب ؟! انا من زمان اسمع لها
حور : اهاااا يعني بدر ماله شغل في السالفه
شهد:ههه بدر .. لاماله شغل (عدلت قعدتها ) تدرين حور احيانا احس اني احبه واحيانا احس اني اكرهه ولا ابي اسمع صوته حتى بعض الاحيان لما يدق ما ارد
حور : مب منج .. من اللي ماعطج ويه ومدلعج لو انا مكانه جان من زمان مطقعه لج
شهد: ههههه ما الومه لو خلاني
حور : اااه جان زين ايني واحد نفسه
شهد : تبينه اخذيه

والا ام سلمان داخله بسرعه وشكلها تدور شي

ام سلمان : سلمان وين شفتوه؟!
شهد بخوف : لايمه خير اشصاير ؟!
ام سلمان : راكان مسوي حادث وابيه يوديني لهم المستشفى
شهد : لحووول الله عسى ماصار فيه شي ؟!
ام سلمان : انا اشدراني اتصلي في اخوج خل ايي بسرعه
شهد:ان شاء الله
حور:يمه بروح معاج
ام سلمان : اشله قري هنيه معا اختج
حور رايحه تلبس عبايتها : انا بروووووووح مالي شغل

.......................

قام على صوت الاذان في المسيد القريب من المستشفى .. نسى اللي صار امس .. استغرب المكان قعد يتلفت ورقبته تعوره .. تعباان حيل .. شاف ريله والا هي مجبسه .. وخشمه وقف النزيف امس وماصار فيه شي .. تنهد بقووو .. وحس ان الدنيا كلها تعبانه معاه .. قعد يتذكر ويتذكر .. لين ما يات في باله وصورة الرصيف وهو يدعمه .. ااه ياربي .. الحمدلله على كل حال .. ماحس بعمره الا وهو راقد مره ثانيه ..

..........................

بقى عن عرس شهـد اسبـــوع فقط .. وبيصادف يوم الخميس .. الكل مرتبش طبعا .. ماعدا راكان اللي سائت حالته لما سمعهم يتكملون .. الجوري .. حنت على صالح لين وداها الستي تاخذ فستان .. قايسته وكان روووووعه .. لونه بنفسجي .. وفيه فراشات ورديه وخذت حق شعرها نفس الفراش .. وطبعا من كثر ماهي مشتطه كل يوم تلبسه .. تخاف تمتن والا تضعف هههه .. ويطلع مب حلو .. حور طبعا فصلت .. فستان .. تركوازي جنااان .. طبعا اخت العروس لازم يكون غيير .. كان مفصل جسمها الروعه بس شوي دبتها ناطه وهي تسوي كل يوم تمارين عل وعسى تروووح .. اما شهد .. بدر اصر انه هو اللي ايبه لها .. وطرش عليه من لبنااان .. وكان صج صج رووعه .. والطرحه اتهبل بعد .. كاامل ابيض وداخل فيه من تحت شوي اللون الاحمر .. فقررت انها تسوي مسكه حمرا وتخلي الميك اب احمر .. اميره .. ماكانت مشتطه وايد مع انه عرس شهد رفيجة عمرها .. بس حالة راكان مأثره عليها .. وهو كل يوم يسألها بتروحين والا لا؟! وماعندها رد الا يمكن .. بدر كان ميت ينطر هاليوم على نار .. اول مره تصير ويااه .. قبل ماكان يحس بشي .. بس الحين كل شي غييير .. راح وخذ له ازره كشخه وقلامه وبشت اسود .. وعوود وكل شي حق العرس .. ماتتصورون اشكثر ينطر هاليوووووم .. وبما ان العرس في الريتز حجر سوويت ليله .. يقضون فيها ليلة زواجهم الاولى ..

......................

حور : اوووف اخاف تطلع احلى مني تدرين الجوري هي كشيييخه حدها
الجوري:ماعليج منها .. انتي ليش محتره
حور:بالعكس انا حبيتها بس خبرج ما ابي اح يغطي علي
الجوري : على كثر ماتتكلمين عنها خاطري اشووفها
حور: كلها كم يوم وتشوفينها

دخل سلمان البيت واول ماشافها

سلمان : انتي هييي سكري التلفون بسج هذره وقومي رقدي الساعه 12 الحين
حور ماتبي تتفشل : الجوري اكلمج باجر
الجوري:هههه الله يعينج اوكي باي
حور : باي التفتت عليه .. ليش تكلمني جذيه جدام البنيه قولي سكري وبسكر ليش تصارخ
سلمان قرب منها : لا؟؟؟؟؟؟؟؟
حور:........
سلمان مسك شعرها : والله وقمتي تعلين صوتج ياحووورووو
حور قايمه : اوووف خلاص انا بروح الغرفه
سلمان عطاها كف على ويهها : وكل ماتقلين ادبج بيج اكثر .. راح غرفته ..

مسكت خدها وكان الالم فضيييع .. تمت تصيح من قلب .. وتتألم .. قامت وراحت غرفتها وهي تدعي علييه وتسبه .. وهو ولاهااامه بدل ملابسه ورقد ..

شهد كانت تقايس الفستان وتتذكر لما كانت تتمنى هاليوم .. ياربي والله فرحاانه لان عرسي قرييب .. بس بدر .. بدر .. وسكتت .. انا هالانسان مو متقبلته مره احس اني احبه ومره لا ما اطييقه ولا ابيه .. الله يسهل ان شاء الله .. يارب ساعدني .. احس ان حياتنا بتكوون تعيسه مادري ليش .. سكرت الموضوع وتمت تطالع نفسها في المنظره .. ابتسمت وهي تقول في خاطرها .. فديتني اهبل ........ خاطري اشوف نفسي في العرس .. ههههههههه والله اني مينونه .. شوي والا تلفونها يررن ..
انته عندي حاجه غير .. هذي مافيهـا كلام
عمري وحبي الكبير .. منته واحد والسلام

ردت على طول

شهد:ثواني وادق لك اوكي ؟
بدر : انطرج عمري

سكرت وراحت تبدل وهي تفكر انا ليش حاطه هالاغنيه .. اوووف اشفيني اسوي اشياء ما ادري عنها .. من قرب العرس وانا قمت اخربط ههههههههه ..

يوم ثاني العصر .. بدلت حوور على شان تروح حق الجوري .. اونه بيرقصون عشان العرس خخ .. توها بتطلع

سلمان : على وين يا اخت حور ؟!
حور:بيت خالتي ام راكان
سلمان:صلووح هناك ؟
حور : مادري
سلمان : عيل مافي رووحه قري مكانج
حور:لييييييش اليوم الثلاثاء الجوري تقول كله يطلع معا ربعه
سلمان : زين روحي بس قسم بالله لو دريت انج كلمتيه والا شفتيه ماتطبين بيتهم مره ثانيه
حور : ليش انا مابيني وبينه شي هو مثل اخوي ليش مسوي سوالف ؟
سلمان : لاتناطلين وانجلعي فارجي يالله

طلعت حور وهي تتأفف من هالعيشه الخايسه .. يبختج ياشهووووووووود .. بتعرسين وبتفتكين من سلمانوه الدعله .. وانا بتم عقباالي ياارب .. دخلت بيتهم من الباب الصغير .. وفصخت الغشوه .. وتمت تطالع بيتهم .. كبير وحلو وفيه حدايق وبرجه .. ليش احنا غير عن الناس .. الكل في بيته هالسوالف الا احنا بيت صغير .. وبيتهدم علينا بعد .. من 7 سنين ماغيرنا الاثاث .. ااه والله مابي احسدج ياجوريووه .. بس الحمدلله على النعمه .. توها فاتحه الباب بتدخل .. الاراكان في ويهها .. واول ماشافها ابتسم .. دايما يتذكر المغامرات قبل والسوالف والضحك

راكان : هلا والله بحور
حور مبتسمه : هلا راكان (تطالع ريله ) شخبار ريلك ؟!
راكان : الحمدلله .. الدكتور يقول باجر بقط العكاز
حور:الحمدلله .. عيل الجوري وين ؟
راكان : الجوري في غرفتها .. تفضلي ..

دخلت حور وهو طلع ..

قعدت على السرير تحط الملابس في الشنط على شان يودونهم بيت بدر .. رتبت الاغراض وحصلت كم شي ناقص عندها .. شسوي الحين ؟!!.. وتذكرت .. ابيييييي ماشريت مكياااج .. صج اني غبيه امس رايحه .. خل ادق حق عنود نروح انا وهي .. اتصلت لها .. واتفقت انها تمر عليها الساعه 5 ............

......................

القلب سلم لك امره .. هي حالتي انته ادرى
ياللي حنانك وطيبك .. تنحط على الجرح يبرا

شفاف يانور عيني .. حبوب قلبك يبيني
زهرة شبابي وسنيني .. تفداك الفين مره

حنون ربي يصونك .. في طيبتك في عيونك
دنياك حبي وكونك .. ياطيب عمري وياعطره

فديت صوتك فديتك .. شفتك عشقتك هويتك
ياليت تدري ياليتك .. غلاك ياكبر قدره

شهد : ههههههههههههههههههههههه
بدر:فدييييتج انا
شهد:ماتخلي حركاتك ترى انا فالسوق والناس كلهم منتبهين
بدر : اشعلي منهم .. اهم شي شهود حبيبتي تكون مستانسه
شهد : انزين بدر بخليك قاعده اشتري وابي ارجع البيت بدري
بدر : خلاص ياغلاي .. ماكلمج لين العرس
شهد مستغربه : ليش ؟!
بدر : عشان اشتاق لج وتشتاقين لي يابعد رووحي
شهد في خاطرها .. ما اظن انا اشتاق : اهاا خلاص عيل
بدر : الله يحفظج
شهد : فمان الله
...........................
.......... مرت الايام والكل يستعد للعرس باجر الكل فرحان ومستانس الا واحد ..........
ركب سيارته .. وكان مستانس قط العكاز .. رجع يمشي نفس قبل .. حرك .. على انغام اغنية .. بصبر على فرقاكم للجسمي ..

بصبر على فرقاكم .. مهما تمر سنين
اتخيل محياكم .. ياحبيبين العين
وهو يدق يده على السكان .. حس بحياه يديده .. وكأنه منولد من يديد .. الحادثه ريحته وايد .. من اللي كان يفكر فيه .. وورجعت الافكار .. شهد .. ااااه شهد .. باجر بيزفونها لغيري .. ااه ياقلبي .. ليش انته طيب .. انسى .. دامهم نسوك .. باجر يجونك .. انساهم .. اول مره مايحس راكان بألم .. بجرح .. يحس وكأن الامر عادي .. وهو يتمشى بالسياره قريب بيتهم .. وقف فجأه في الشارع اللي كان مليان ناس ويهرنون له .. شافهم يركبون الخيمه .. خيمة الريايل .. وبعد جنب بيتنا ........ !! شاف بدر واقف برى ويراقب شغلهم .. وسلمان واقف جنبه ويتكلم بالتلفون .. يشوف العمال يشلون الحدايد ويودونهم .. ويركبون .. انتبه للهرانه وصف على جنب وتم يطالع .. نزلت دموعه .. اااه المفروض اكون انا جنب سلمان .. اااه خلاص شهد بتروح مني .. بترووح .. وكل شوي يحترق قلبه زياده .. والاغنيه زادته باللي فيه .. سكرها وتم يطالع .. وعيونه حمر من الدموع .. وقلبه يحترق من داخل .. انتبه له سلمان .. واول ماشافه ابتسم وراح له راكان مسح دموعه بسرعه ولبس نظاره شمسيه .. ونزل الجامه
سلمان يمد يده : هلا والله براكان
راكان مد يده : هلا سلمان
سلمان : اشعندك واقف ؟!
راكان : ماشي قاعد اطالع شغلكم
سلمان :حياك اعرفك على بدر تراه خوش ريال ماشاء الله عليه
راكان :لا ماعليه مره ثانيه بروح البيت انا
سلمان : لالالا تعال اعرفك عليه الريال باجر عرسه وبيسافر يالله تعال
راكان نزل : امرنا لله
مشى معا سلمان وهو يطالع العمال يركبون اللوحه اللي مكتوب فيها
يتشرف السيد .............. بدعوتكم لحضور زفاف ابن اخيه بدر بن خالد الـ ......
...............
دخل راكان البيت معصب .. حتى المسيد ماراح يصلي فيه العشا .. انا اليوم بسوي اللي في بالي .. يعني باسويه .. دخل على الجوري حصلها قاعده تلعب في اغراضها .. وتجرب .. تمالك اعصابه مايبي يبين لها شي ..
راكان مسوي نفسه عادي : الجوري لو سمحتي روحي يبي لي ماي وتعالي الغرفه ابيج
الجوري مستغربه : ان شاء الله
طلعت الجوري من الغرفه وعلى طول راكان خذ جوالها وقعد يدور ويدور لين حصـل ( شهـــــــــــد ) .. خذ الرقم وسجله في جواله .. رجع الجوال مكانه وطلع الا الجوري في ويهه .. شرب الماي .. وراح غرفته .. قعد على السرير وقفل الباب .. وقلبه دقاته كل شوي وتزيييد.. انا مينون ؟! البنت باجر عرسها .. من صجي انا ؟! .. ورجع لغيضه .. شهد ماتكون لغيري .. والله ماتكون لغيري .. دقت الساعه 12 ...... وعم الهدوء في البيت .. الكل رقد .. مسك الجوال .. وحط على رقمها .. واتصل بدووون تردد

يسلموو اختي

نتظر باقي

سلام عليكم
مسامحة على التاخير
بس عذروني

و لكم جزء جديد....
الفصل الرابع

تررررررررن ترررررررن

شهد كانت حاطه الرنه العاديه حق الكل بس بدر غير .. فتحت الابجوره وشلت الكشه عن ويهها خخ وشافت الرقم .. استغربت من رقمه هاي ؟ المشكله انه يرن ومايوقف .. اووف الحين ارد والا لا؟ .. خل ارد يمكن احد يبيني ضروري .. توها بتضغط الا مسكرين .. احسن .. ثواني والا داقين مره ثانيه .. خل ارد وامري لله

شهد:الوو
راكان:......................
شهد: الووو
راكان حس جسمه كله يرتجف والدم يمشي في عروقه انا ليش متصل ؟ شقول لها ... ااه ياشهد باجر بتروحين عني نزلت دموعه ماقدر يمسك نفسه
شهد استغربت شسالفه : الووووووووو

شوي والا تسمع احد يتنهد ويصيح .. خاافت .. شسالفه ياربي اشصاير تمت ساكته تنطر احد يتكلم لاكن ,,,,,,,,,,,,,,, ..

شهد : الووو الووو
راكان بصوت مبحوح وكله حزن ومن قلب بصوت عالي شوي : شهــــــــــــــــــد
شهد انصدمت هاي واحد ويعرف اسمي بعد هذا مو بدر أي مو بدر صوته غير كلش : نعم منو معاي ؟
راكان بحرقة قلب : انا راكان شهد راكان

حلت الصدمه على شهد .. راكاااااااان ؟! .. اشيبي واشفيه يصيح اشصاير ..

شهد بخوف : راكان اشفيكم اشصاير ليش تصيح ؟ خالتي فيها شي ؟! اميره الجوري فيهم شي ؟!
راكان :انا ياشهد اناااااااااااااااااا
شهد : خير اشفيك راكان ؟!

شوي وتسمع صوت طق على باب غرفتها بقووو وصرااخ وصياح حذفت التلفون وراحت تركض فتحت الباب الا سلمان وتسمع امها تصيح وتصاارخ في غرفتها

شهد : اشصاير ؟؟!
سلمان ايرها من يدها : ابوي مايرد علينا بسرعه بدلي بنوديه المستشفى
شهد خافت : ابوي ؟! اوكي اوكي

سلمان شال ابوه وركبه في السياره ويات شهد بسرعه ركبوا وعلى طول المستشفى .. ام سلمان تمت معا حور وهي ماتقدر على المستشفيات تتعب .. في السياره شهد ماسكه ابوها ورى وميته من الصياح تحرك راسه يبه يبه .. يبه ارجوك رد علي يبه .. فتح بوسلمان عيونه شووووي وكان شكله تعبان وايد ويتنهد اول ماشاف شهد على طول تكلم .. والله ماودي اخرب عليج فرحة عرسج سامحيني يابنتي .. شهد يبه حطي بالج على بدر تراه ريال ويستاهل كل خير وما اوصيج علـى .. بدا يتألم مسك قلبه .. ما اوصيج على امنه امنه امنه .. وسكت .. شهد ما انتبهت لاسم امنه من ممكن تكون بس قالت ان شاء الله وهي حاضنه راس ابوها مسكت قلبه الا يطق بقوووو وصرخت على سلمان سلماان بسرعه بسرعه سلمااان ارجوك استعيل .. سلمان اول مره يخاف .. ابوه صج يطيح وايد بس هالمره قلبه مب مطمن ااه يايبه لاتروح ارجوك .. الله يطول في عمرك ويخليك لنا يارب ..

وقفوا عند باب المستشفى ونزلوا ابو سلمان بسرعه على سرير وودوه داخل شهد حست انها خلاص تعبت من قلب ابوها حبيبها يصير فيه جذيه حست انه خلاااااااص خلااااااااص .. وتمت طايحه جنب الغرفه اللي دخلوا فيها ابوها وتصيييح

سلمان ينطر على نار .. قرب منها : بس ياشهد بس
شهد تشاهق : شنو بس شنو بس هاي ابووووي ياسلمان ابووووووي

شوي والا طالع الدكتور يقول لهم انه يبي يشوفهم .. ركضوا داخل .. قربت شهد وتمت تبوس ايد ابوها وهي ميته من الصياح

بوسلمان بصعوبه : سلمان يبه قرب ابي اشوفك قبل لا
شهد بسرعه:لايبه لاانته بتتم ويانا بتم ويانا
بوسلمان:سلمان ما اوصيك على خواتك لاتلعوزهم
سلمان قرب من ابوه وطاح بحضنه : يبه لاتقول هالكلام الله لايحرمنا منك
بوسلمان : سلمان يايبه ما اوصيك على خالد ترااه يعزك ويغليك رغم اللي سويته فيه وان صار نصيب ان شاء الله ابيك تاخذ امنه امنه ياسلمان
سلمان وراسه على صدر ابوه ودموعه تتغارق بعيونه : تامرني يبه تامرني باخذها يايبه بس قوم الله يخليك قوم

بهاللحظه سكت بوسلمان ورفع صبعه .. لا اله الا الله .. وبجذيه راحت روحه لبارئه ..
عم السكوت في الغرفه وتموا شهد وسلمان يتطالعون .. معقوله اللي يصير جدامنا معقوله ابووي راح؟ ابوي خلاااااااص مات؟

شهد بصرخه هزت الغرفه:يبـــــــــــــــــــــــــــــــــــــــــ ـــــــه

سلمان طاح على الارض وهو ميت من الصياح وشهد تصارخ على ابوها وتناديه تبيه يرد عليها لاكن ........................... ما سمعت الا صدى صوووتها اللي يتردد ..حست ان قلبها يتقطع حست ان محد لها بالدنيا .. سلمان حس بضييييق غيرطبيعي تمنى لو هو اللي مات بدال ابوه .. ليش يا يبه تروح وتخلينا ليييييييييش

.....................................

............ يافرحه ماتمت .............

....... تاريخ 22/2 بدال مايكون عرس شهد صار عزا ابو سلمان الله يرحمه ........
طبعا الكل انصدم من الخبر والعرس تاجل .. ام سلمان مؤمنه بالله زعلت لاكن هذا قضاء الله وقدره مع انها تحبه وايد والعشره اللي بينهم مب شوي حووور كله بغرفتها وتصيح ماتبي تشوف احد ولا تاكل .. وايد تحب ابوها وماتنسى المواقف الحلوه معاه لما يوديها كل يوم العصر تشتري حلاوه من الدكان وكانت تحرالجوري فيها لما كانوا صغار.. وكانت اذا ضربها سلمان يروح يهاوشه ويضمها ويبوسها .. اااااااااااااااااااااه يايبه ااااااااااااااااااااااااااااه .. بيت بوسلمان بعد ماكانت عامته الفرحه والسعاده صار الحزن بكل جدار فيه ..

بوسلمان ريال طيب والكل يشهد بهالشي .. الناس كلها تحبه على فقره بس كانت ماتطوفه الصدقه ....... ريال خايف الله .......والكل يعزه ويحترمه ويحسب له حساب ..

.........................
بدر طول الثلاث ايام كان موجود معاهم ومافارق سلمان دقيقه وهالشي وايد ريح سلمان اللي كل الحزن بان على ويهه والنظاره السوده مغطيه عيونه اللي تصب دموعها بسهوله ولاهمتها المرجله .. العصر قبل لا يرجع البيت راح حق شهد يعزيها واول ما راحت له الميلس وشافها كانت حالتها حاله والسواد محوط عيونها .. تالم لها و قلبه عوره .. قعدت على الكرسي وهي منزله راسها .. قرب منها وضمها بيده

بدر : عظم الله اجرج
شهد نزلت دموعها : اجرنا واجرك
بدر يمسح دموعها بيده : بس حبيبتي بس هذي قضاء الله وقدره واحنا مانقدر نعترض
شهد لاشعوريا احضنت بدر وتمت تصيح على صدره:بدر ارجوووك سامحني ( وهي تتذكر كلام ابوها ..... حطي بالج على بدر ) ساامحني
بدر :اسامحج على شنو حبيبتي
شهد:سامحني وخلاص
بدر : ان شاء الله بس انتي خلي الصياح عنج
شهد رفعت عيونها بعيون بدر وهي تحس انها تبيه ومحتاجه له وايد:بدر احبك بدر لاتخليني ارجوك

بدر استانس وايد لما سمع هالكلام منها .. ضمها لصدره وتم يهديها وهو يقول في خاطره .... احبج شهد احبج احببببببببببببج

....................

اذن المغرب .. وبعد الصلاه فتح سلمان الميلس مره ثانيه ثواني والا بدر واصل ووقف جنبه يستقبلون المعزين سلمان التفت حق بدر

سلمان وقف مشاهد بدر : بدر
بدر بأبتسامه : عيوني امر ياسلمان
سلمان ماحس بنفسه الا وهو ضام بدر بقووو ويصيح : ماقصرت يالنسيب والله انك شليت نص همي
بدر نزلت دمعته : هذا واجبي وانتوا اهلي الحين وانته اخوي ياسلمان اخوي الله يقدرني ومااقصر معاكم
سلمان : الله يخليك ولايحرمني منك ياخوووي

بدر وسلمان كل واحد انتبه لهالكلمه .. اخوووي .. واخيرا كل واحد حصل له اخو وسند فالدنيا كل واحد منهم كان يتمنى ان يكون عنده اخو يوقف معاه ويحس فيه والحين تحققت لهم الامنيه .. تأثروا من الموقف وايد وكانوا يشووفون المعزين بدو ايون ..

.......................

طبعا صالح وراكان كانوا ايونه بين فتره وفتره بس بدر كان 24 ساعه موجود كأنه اخوه صج .. ونعم النسيب ..
مايات الساعه 8 .. الا واحد يفتح باب الميلس .. رفع سلمان عيونه يشوف منو اللي دخل .. والا منوووووووووو ؟؟؟؟؟؟؟؟؟؟؟ .. معقوووووووووووووله لالا مستحيل اشدراااه .. اشلون عرف .. زين شقوله الحين ؟!!! مالي ويه اشوفه ااه يايبه جانك حطيتني في موقف صعب .. قرب الريال من سلمان اللي وقف يسلم عليه وبدر وقف وهو مايعرفه طبعا بس لاحظ دهشة سلمان .. منو ممكن يكون هالشخص ؟!

سلمان وقف مشاهده : خالد
خالد ابتسم ودموعه تنزل بغزاره : سلمااان ( وحضنه )
سلمان يصيح : سامحني يالغالي سامحني والله اني متندم كثر شعر راسي سامحني
خالد زاد في الصياح : مسموح مسموح
سلمان : راااح الغالي ياخالد راااح
خالد حضنه بقووو اكثر : اذا هو غاب عن عيوننا ماغاب عن قلوبنا
سلمان يلتفت على بدر : خالد هذا بدر زوج اختي شهد
خالد سلم على بدر اللي للحين وسط دهشه : اشحالك الغالي
بدر : الله يخليك الحمدلله
سلمان : بدر هذا خالد ولد عمي من السعوديه
بدر : هلا والله باهل السعوديه اتفضل الغالي

قعد خالد جنب سلمان وبدر ..

دخلت على الحريم .. واول ماشافتها ام سلمان راحت لها وحضنتها وهي تصييح

ام سلمان : هلا يمه هلا
امنه تصيح : عظم الله اجركم خالتي
ام سلمان : اجرنا واجرج تفضلي يمه سلمي على بنات عمج وقعدي معاهم

طبعا شهد وحور ماعرفوها ولاشي .. لانهم ماقط سمعوا فيها .. استغربوا ان امهم رحبت فيها

امنه : السلام عليكم بنات
شهد قامت تسلم : هلا والله عليكم السلام
امنه : شخبارك ؟!
شهد : الحمدلله
امنه : شخبارك حور ؟!
حور قامت تسلم : الحمدلله
امنه : عظم الله اجركم
الكل : اجرنا واجرج

طبعا تبون تعرفون منو امنه وخالد ...... امنه وخالد عيال سعود الـ .. اخو بوسلمان .. متزوج سعوديه وعاش هناك .. صارت مشاكل معاه ومعا بوسلمان وافترقوا سنين .. وبعد وفاته قام بوسلمان يزور عيال اخووه معا ام سلمان و صارت خلافات بين سلمان وخالد على شان الفلوس سلمان كان يبي ياخذ شوي من الحلال لانه مستنكر عيشة الفقر اللي هم فيها .. لاكن خالد مارضى لان ابوه موصيه انه يعطي جزء للمعاقين .. والباقي له ولاخته .. ومن بعدها انقطعت العلاقه وسلمان قال لابوه مايبي شهد وحور يعرفون عنهم شي ولايكلمونهم .. والحين بعد وفاة بوسلمان رجعت المياه لمجاريها وخالد سامح سلمان وامنه بتتعرف على بنات عمها اللي ياما كلمها عمها عنهم ..

.....................
بعد 6 شهور من وفاة بوسلمان خالد وامنه سكنوا في بيت قريب من بيت بوسلمان .. والعلاقه تطورت وايد معاهم.. خالد كان بين فتره وفتره يروح السعوديه يشوف الشغل وكان مساعده متولي كل شي .. وقرر انه يفتح شركه بقطر ويديرها هو وسلمان ومازال التفكير في هالامر .. صاروا ايونهم دايما ويطلعون معاهم .. خالد وسلمان طلعاتهم للبحر وايد معا بدر .. سلمان شخصيته انقلبت كللللش صار متفهم واااااايد .. العصبيه نساها وصار وايد حنون وطيب معا خواته وامه .. رجع بدر كلم سلمان عن العرس ولانه لازم يصير لانه بيروح لندن ياخذ كوورس لغه .. وافق سلمان وقاله بيكلم شهد .. دخل عليها الا هي قاعده على كرسي بزاوية غرفتها وتقرا كتاب

شهد وايد تغيرت لما توفى ابوها .. واايد معا بدر..صارت جاده معاه ومتفهمه .. حست ببدر الشخص اللي كانت ماخذه عنه فكره غلط .. بدر طلع ريال ووقف معاهم بأيام العزى .. صارت تحمل له كل مشاعر الحب والثقه والتفاهم والاحترام .................

شهد :تفضل سلمان قول اللي تبيه
سلمان : شهد حبيبتي بدر كلمني بموضوع العرس وقال انه لازم يستوي بأسرع وقت لانه بيسافر ياخذ كوووورس لغه
شهد : بل .. ابوي ماخذله 6 شهور من توفى
سلمان : شهد الريال زين منه نطر كل هالمده .. اصلن المفروض انه الحين انتي حامل والا فيدج ياهل يالله شهد شقول حق الريال
شهد : زين واذا وافقت متى يستوي العرس؟!
سلمان : على الاقل اسبوعين .. كل شي جاهز ومرتب اصلن
شهد : مادري والله سلمان انت اشرايك ؟!
سلمان : انا من رايي انج توكلين على الله
شهد تتنهد : على رايك ياخوي الريال نطر وايد
سلمان : خلاص عيل اقوله موافقه ؟!
شهد : أي
سلمان حضن شهد بكل حب : مبروك حبيبتي

طلع من عندها وهو متشقق وفرحاان اتصل في بدر على طول وقاله انها رضت انه بيتم الزواج الحين .. استانس وايد وحجز حق كل شي ورتب كل شي


تحياتي بحرينية وافتخر

تابع

.........

نقدر نقول ان الحياه والحب والفرحه رجعت لبيت بوسلمان امنه استانست وايد لانها بتحضر عرس شهد .. وشهد بعد .. نسيت اقولكم عن امنه وخالد .. خالد ماتجاوز ال22 سنه .. وامنه 19 سنه .. طبعا قررت تدرس طب في قطر ..... والكل شجعها على هالشي
تغلبت على خوفها .. وقررت انها تدرس طب خلاص واكييد ..

............

بعد 3 ايام .. الكل فرح لعرس شهد طبعا واولهم راكان .. بس ياترى فرحته من قلب والا ؟! ..

في الصاله كانت حور قاعده معا امنه يرتبون البطاقات على شان يوزعونهم

حور : هااا جهز فستانج
امنه : ايي يجنن .. تعرفين انا احب اللون الاحمر مره .. عجبني كثير
حور:المهم خلي هالبطايق على جنب على شان يوديهم سلمان
امنه : اوكي

شوي والا الباب ينفتح ويدخل سلمان وفي يده اكياس طلبات ام سلمان خخ .. امنه تغطت بسرعه

حور : امون قومي اخذ الاغراض من سلمان
امنه طلعت عيونها : اخوك انتي مب انا يالله قومي
حور : امون ماتشوفين الاغراض في حضني ما اقدر اتحرك يالله قومي لايعصب علينا
امنه قايمه : اوووف الله يرجك

قامت وراحت حق سلمان اللي يحسبها حور تشابهها في هيئتها ..

سلمان قرب منها : حووور مسكي وديهم حق امي وهاتي البطايق اللي تبوني اوديهم
امنه : ان شاء الله

سلمان رفع عيونه وانصدم من اللي شافه .. هذي مب حور .. ااه هذي امنه .. والله انها تغيرت وايد واحلوت وايد .. امنه اول ماشافت ويهه نست هو من يكون ونست حور اللي قاعده وتمت تدقق ومركزه في ملامحه ماشاء الله اينن وتموا يطالعون بعض وهم مب حاسيين .. حور انتبهت وماتت من الضحك

حور : ههههههههههههههههههههههههههههههههههههههههههه

انتبهوا لضحكتها وطلع سلمان على طول

امنه : حووووووور يالدبه
حور:هههههههههههههههههه ايوا وانولد حب جديد
امنه مستحيه : بس عاد حووور لاتحرجيني واي حب اللي تقولين عنه
حور :عليناااااااااااااااااااااااا
امنه وهي رايحه : اقول انا بودي الاغراض حق خالتي وانتي خلك معا بطايقك
بحرينية وافتخر

الله يسلمج اختي

الله يعافيج

الحين بنزل لج الباقي

تقبلي تحياتي بحرينية وافتخر

قعدت في الصاله وتمت تفرفر في التلفزيون اوووف ملل .. خل اتصل في حووور والا شهوود .. خذت التلفون ودقت بدون تردد

اميره : هلا والله بحوووووووور
حور : هلا وغلا اميرووه انتوا وينكم مختفيين
اميره : انتي اللي مختفيه لانشوفج ولاشي
حور : اقول اميروه اشرايج نرجع ايام اول ايااام الوناس واليمعه الحلوه
اميره : تعالي حور شخبار امنه
حور : تمام هذا هي قاعده معاي
اميره : فديتها هالبنت حبيتها وايد طيبه
حور تلتفت على امنه : تقولج حبتج وانتي طيبه
امنه : فديييتها وانا اموت فيها
حور :تقولج تموت فيج
اميره : ههههههههه انزين حور تعالوا بيتنا
حور : لالالالالالالا يري الجوري وتعالي قاعدين نقايس الفساتين .. تدرين اميروه امون توها يايبه فستانها رووووووووووووووووعه تعالوا شوفوه
اميره :زييييين ثواني وبيب معاي فستاني تشوفونه
حور : ننطركم

............

من الصوب الثاني كان قاعد ويفكر فيها .. ماخذه عقله هالبنت .. واتصل لها على طوول

بدر : هلا والله بأم حمدان
شهد : ههههههه حمدان ؟! (تذكرت ابوها )
بدر : على ابو مرتي الغالي شخبارج ياغلا قلبي
شهد : بخير حبيبي انته شخبارك
بدر ماات على الكلمه اول مره تقولها حس بشهد غييير اللي كانت تكلمه : فدييتها انا اللي تقول حبيبي
شهد مستحيه : اذا ماقلت لك بقول حق من اقول بدوور ليش العيله على العرس
بدر : بموت ما استحمل بعدج ياقلبي
شهد:على العموم انا ابيك اتيني اليوم
بدر استغرب : ليش؟!
شهد مستحيه : واحشني ابي اشوفك
بدر بيطير من الفرحه : لالالالالالالالالالالا مب مصدق انا شهد تقولي تعال افا عليج اليوم العشا .. ليش العشا المغرب انا عندج يابعد روحي انتي
شهد : فديتك والله انطرك
بدر : فديت قلبج يالدبه
شهد : انا دبه حرام عليك ضعفااانه
بدر : ههههههه اضحك معاج ياقلب بدر انتي شهوووود احبج احبج
شهد حست بطعم الكلمه : وانا احبك

بدر حس ان من اليوم حياتهم بتكون ولا احلى .. شهد وايد غيرت معاملتها معاه .. من بعد ماكانت تطيق منه كلمه .. الحين تقوله تعالي واحبك حس ان الدنيا مب شايلته من الفرحه .. الله يرحمك ياعمي ويغمد روحك الجنه

....................

دخلوا اميره والجوري بيت بو سلمان ورسيده عند باب الصاله .. ركبت الجوري على الدري واميره تعابل فستانها ركبت على اول دريه وماحست الا وهي على الارض وطاحت الشيله .. وشعرها طاح على ويهها

الجوري : ههههههههههههههههههههههههههههههههههههههههههههههه
اميره قامت بسرعه وشالت فستانها : بس عاد بس مايضحك
ما مشت الا وسمعت صوت وراها : سلامات الغاليه

التفتت والا تشوف واحد طويل .. حنطاوي .. وجماله جنااااان .. ماشاء الله عليه .. خشمه سيف .. وعيونه حاااده .. ماتت عليه .. بس قالها سلامات يعني شافها بيي يالفشيله .. الجوري مامسكت نفسها انفجرت من الضحك ودخلت عى طول الصاله .. اميره تمت واقفه ماتعرف شتسوي .. اللي شافها كان خالد .. يوم لمس الارتباك فيها طلع من البيت .. وهي تمت واقفه تطالع طيفه وهو طالع .. مشت بهدوء ودخلت الصاله وهي تتنهد .. سكرت الباب .. والا تشوف شهد وامنه وحور والجوري ميتين من الضحك عليها

اميره : مايضحك
حور : هههههههههههههههههههه مسكينه
الجوري : تعالي حور منو المزيون الحنطاوي عندكم
امنه : هاي اكيد خالد اخوي
اميره : بيي يالفشيه شافني وقالي سلامات
الكل : هههههههههههههههههههههههههههههههههههههههههه

سكتت اميره وهم كل شوي يتذكرون السالفه ويضحكون .. خالد من شافها وهو مب مترقع .. اول ماطلع وركب سيارته .. وشكلها ماغاب عن باله .. ويوم التفتت عليه وشعرها يتطاير .. اااه منو هذي ؟!!! .. جمالها سحره .. تم يسوق وهو يفكر فيها ..

......................


الفصل الخامس الجزء الاول

رجعت البيت وهي مب على طبيعتها شاردة الذهن تحس انها في عالم ثاني .. تحس ان الحياه حلوه .. تحس انها تقدر تحب من عقب ........ نظرتها العكسيه والغلط للحب الجوري لاحظت ودزتها من كتفها

الجوري : هييي هييي اميروووووووه وين رحتي ؟!
اميره انتبهت : هاا موجوده اشفيج اشتبين ؟!
الجوري تغمز لها : ههههه بالج راح مع المزيون الحنطاوي هااااا
اميره : اشدخل انتي بعد
الجوري:ههه علينا من شفتيه وانتي متغيره
اميره:لاراح بالي معاه ولاشي ولاتسوين سوالف يالله انا بروح ارقد الساعه 11
الجوري بعبط:اميره الدجاجه ههههههههههههههههههههههههههههههه
اميره وهي مب ماعطتها ويه : تصبحين على خير
الجوري:بيي ينت البنت ماسويت فينا خير يالمزيون الحنطاوي

دخلت غرفتها وقعدت ترتب الاغراض من يد ويديد وتحطهم في الشنط على شان يودونهم بيتها حصلت كم شي مخترب حذفته وحطت الباقي .. شوي والا تلفونها يرن

شهد:هلا والله بدر
بدر:فدييت القمر انا اشهالكشخه اليوم
شهد مستحيه : لعيووونك حبيبي
بدر : فديت قلبج ياروحي انتي اقول شهوود تبين نروح على طول لندن والا نمر على مكان ثاني ؟!
شهد:براحتك حبيبي أي مكان انته تروحه انا معاك
بدر : ياابعد قلبي انتي
شهد:انزين بدوور انا بخلص ترتيب الاغراض وبدق لك
بدر:خلاص انا 5 دقايق واوصل البيت نااااطرج على ناار
شهد بدلع : اوكي يالله باي وحاسب من الطريج
بدر:امرج الغاليه

سكرت وهي مستانسه حست بالحب اشقد حلوو وانها حرمت نفسها طول هالفتره منه وماتدري ان هالسعاده والراحه بتلاقيها فالحب ومعا بدر ..................

الصاله مليانه حب منثر وهي تطالع ومحترق قلبها لانها هي بتخم وبتنظف وهو مب مهتم ياكل ويحذف .. وباله في قناة الجزيره اللي اخبارها اتيب العله


تحياتي بحرينية وافتخر

امنه بقهر : خالد مايصير تنثر الحب على الارض تعبت وانا انظف
خالد يطالع التلفزيون : قلنا لج بنيب خدامه قلتي مابي
امنه:خلاص يب خدامه انا موافقه (وهي قايمه ) نظف المكان لو خلصت
خالد : تعااالي اشعرفني انا تعالي امون والله ماعرف
امنه ماعطته اهميه : كيييييفك
خالد راح وراها : اموون يالله نظفي باجر بسافر انقلب في الطريج واموت وتتحسفين
امنه بنظرات حنان : اسم الله عليك يالغالي ربي لايحرمني منك من لي غيرك انا بالدنيا
خالد حضن اخته لانه شاف دموعها : بس عاد عن الصياح ماحب اشوف دمعتج
امنه تمسح دموعها : الحين اروح انظف
خالد:لا انا بروح
امنه : اوكي
خالد:هههههههههههههههههههههههههههههههههههههههههههه تبين الفكه يالدبه المهم انا باجر بروح السعوديه يومين وراجع قعدي بيت عمي
امنه بزعل : يامكثر سفراتك للسعوديه
خالد:نسيتي بلادج خلاص؟!
امنه : لا والله ما انساها بس انا مابيك تخليني وتروح
خالد:امنه حبيبتي انتي قعدي في بيت عمي واذا تستحين من سلمان لاتطلعين الصاله والا تبين انا بكلمه
امنه:لالالالالالالالا شنو تكلمه عادي عادي الله يحفظك يالغالي ويرجعك بالسلامه
خالد:يالله انا رايح ارقد لاني بطلع من الفير تامرين على شي من هناك ؟!
امنه : لا حبيبي ابي سلامتك وتصبح على خير
خالد:وانتي من هله

دخل الغرفه وسكر باب وعلى طوول يات في باله .. ااه والله خاطري اعرف منو انتي بس اشلون اسأل .. يمكن رفيجة شهد والا حور .. اووووووه صح هم عندهم بنات جيرانهم يزورونهم .. واذا طلعت مب هي..انا ليش افكر فيها ؟! .. معقوله خالد اللي عمره مافكر يحب ولا يلتفت حق وحده .. الحين بهالسهوله هذي تخليني انشغل وافكر فيها خل ارقد باجر وراي سفره احسن لي..

الله اكبر الله اكبر اشهد ان لا اله الا الله

اذن الفير واميره كانت سهرانه ماياها رقاد .. قاعده عند الدريشه وتطالع الرايح والياي .. تذكرت لما كانت تدرس هالحزه تطل الا بوسلمان رايح يصلي .. الله يرحمك ياعمي ويغمد روحك الجنه .. الف رحمه على روحك .. شوي والا تشوف واحد طالع من البيت اللي جدامهم .. واحد مب غريب عليها .. ركزت وانصدمت .. بلاا هذا هو والله هذا هو .. لصقت ويهها في الدريشه مب مصدقه .. معقوله اشوفه مره ثانيه والله مب مصدقه .. وتمت تراقبه لين دخل المسيد .. ماتت عليه .. كان لابس كااب اسود وثووب وكل شوي يطالع ساعته .. تمت تنطره يطلع من المسيد .. 10 دقايق .. الا الريايل طالعين وهي تدور بينهم الا هو واقف يسولف معا واحد .. شوي وراح صوب بيتهم دخل .. وتمت تناظر طيفه .. اااه يالمزيون .. شوي وتشوفه طالع وفي يده شنطة سفر .. انصدمت وين بتروح عني .. والا طالعه معاه وحده .. ايييه امووون .. وكانوا رايحين صوب بيت بوسلمان لبست شيلتها وركض تحت .. فتحت الباب وكانوا يمشون جنبها بالضبظ ..

اميره:امنه امنه
امنه التفتت عليها : اميره هلا والله
خالد رفع عينه والا يشوفها كانت متلثمه أي عيونها .. وتذكر لما التفتت عليه وشعرها يتطاير على ويهها .. والله عيونها هي بلاا مب مصدق .. اميره اسمها اميره ؟!!! ..
اميره:امنه بيت بوسلمان راقدين تعالي انا ماعندي شغل بنتم لين الساعه 9 بعدين بنروح لهم
امنه تلتفت على خالد : اشرايك خالد ؟!
اميره : ما اظن الشيخ مايرضى لان احنا اهلج مثل مابيت بوسلمان اهلج
امنه:الله يخليج حبيبتي
خالد:مب مشكله قعدي عندهم
امنه التفتت عليه : حط بالك على نفسك ومن الطريج
خالد:فمان الله

ركب الشنطه في السياره .. ثواني وحرك وهو رايح .. اااااااااه يالغالي وين بتروح .. لايكون للابد بس .. راحوا الحديقه واميره الا تعرف وين بيروح

اميره :اقول امنه اخوج وين بيروح ؟!
امنه : رايح السعوديه عند الشركات يومين ويرجع
اميره شركاات بعد ؟! لا هالولد خبل فيني : الله يحفظه

قعدوا على الكرسي اللي في الحديقه .. يسولفون وسووا شااي واستانسوا .. لدرجة انهم ماحسوا بالوقت .. امنه وايد حبت اميره .. لمست فيها الطيبه والحنيه والحنان .. واميره نفس الشي .. حست ان امنه وايد حبوبه وبريئه .. وتدخل القلب .. على الساعه 8 دخلوا غرفة اميره .. ترويها ملابس يديده شرتها ..........

طلع من قطر .. رايح السعوديه .. وهو كل تفكيره فيها .. كلامها شكلها جرأتها .. هالبنت مب طبيعيه غييير عن كل البنات غير عن شهد وحور .. كلللش احسها شي ثاني .. والله مب مصدق اني عرفت اسمها .. اميره .. ااه يا اميره .. اسم رووعه .. لو اسمي امير بيكون احلى ههههههههههههههههههههه .. والله اني بايخ .. اميره وخالد الللله رووعه .. انا لازم اعرف عنها كل شي هالبنت شدتني كلي .. تفكيري واحلامي وكل شي احس لها وجود فييه ..

شغل اغنية يبي يشغل نفسه شوي .......... وطول الطريج اميره واميره

الحب مايسكن قلوب ومحاني :: الحب اسمى عاطفه تسكن الروح

ما اقول منك اللي لفاني كفاني :: لاني احبك هجر واعناد وجروح

سلمان : بووليد شسالفه رنه خارجيه
خالد:أي رايح السعوديه يومين وراجع ان شاء الله
سلمان : بالسلامه الا اختك وين لايكون مخليها فالبيت ؟!
خالد:لا عند بيت جيرانكم معا بنتهم شوي ويونكم
سلمان : خلاص الله يحفظك عاد لاتسرع ها
خالد:ههههههه لالا امشي على سعه .. حط بالك على امنه
سلمان مستانس : فعيوني بنت عمي
خالد:يالله فمان الله
سلمان : الله يحفظك

سكر من سلمااان وكمل طريج وغابت اميره شوي عن باله .. والا امنه داقه

خالد : هلا اموون حبيبتي
امنه:هلا خالد ها وصلت
خالد:لا وين يبي لي شوي خير في شي ؟!
امنه:لا بس اميره تقول اتصلي فيه شوفي شخباره تدري بعد طريج والواحد يخاف
خالد تذكر اميره: لالا الحمدلله مافيني شي

سكر من امنه ورجع يفكر فيها هالبنت من تغيب عن بالي يصير شي من صوبها واتذكرها انا قلت هالبنت شي ثااااني .. وغير عن الكل .. ساحره ؟! لالالا وين هالجمال مب مال سحر خخ .. فديتها .. انتبه للكلمه << فديتها ؟!!! شنو فديتها ..استغفر الله هذي بنت ناس ومب حلالي شنو فديتها .. الظاهر ان الينون قريب مني ..

...............

فتح عيونه بصعوبه وكانت الساعه في ويهه .. بااال رقدت وايد من عادتي 8 قايم .. خل اقوم ابدل وانزل اتريق .. شده صوت المسج راح وفتحه ..

والله لو تموت ما تقدر تسوي شي لاتتحدى شهد

ابتسم ابتسامة راحه وفرح .. وطرش لها مسج

احببببج ايه احبج تعرفين شنو يعني احبج ؟!

وطرشه ... وهي عرفت انه يبي يطول معاها حذفت التلفون وتمت تصيح من القهر .. الحين راكانواا يهددني .. خايس واحد والله لا ارويه والله هين ياراكانوا هين مالت عليك الشرهه علي اللي ماعطتك ويه

....... الساعه 1 ونص ليلا يوم امس ......

راكان : انتي مستحيل تكونين لغيري وبرويج
شهد:انت اشتحسب نفسك ها ؟! انت ماتقدر تسوي شي وابيك تعرف شي واحد انا مابيك ومابحس بالذنب لان مافي شي بيني وبينك انا بدر هو دنيتي وكوني وحياتي كلها
راكان : والله اني اشرب دمه ياشهووود وبذكرج
شهد خافت : تخسي الا انت وجانك ريال سوها

سكرت في ويهه وتمت طول الليل تفكر .. الله ياخذه .. انا مابيه ما افكر فيه .. اعنبوه اشقلت الادب هذي وحده متزوجه يتصل يقولها احبج وابيج .. حبتك القراده .. ياربي شسوي الحين اكلم منو ؟!! .. اقول حق بدر .. لالالالالا اخاف تصير هوشه وتصير سالفه .. فديتك بدر .. والله ما اتخيل اعيش بدونك او افقدك الله ياخذك ياراكان بالليله اللي ناوي تقرب صوب ريلي .. الله ياخذك

من حر مافي قلبها .. تمت تصيح طول الليل .. خايفه على حياتها اللي ماتبشر بخير من بدايتها .. ليش ياشهد يصير فيج جي ؟! .. لو ماخذت بدر يمكن يكون الوضع احسن ؟! .. لا بدر ابيك ابيك والله ابيك .. اااه والله مادري شسوي يارب ساعدني ياارب مالي غيرك مالي غيرك

طلعت الصاله تبي القلق والتفكير يروح عنها .. حصلت سلمان قاعد .. وامها تسوي السلطه .. سلمان حس ان فيها شي .. شهد مب طبيعيه .. باين عليها القلق والتوتر .. لايكون للحين رافضه بدر ؟!!!! .. لالا ما اظن .. يمكن متزاعله معاه والا شي ..

سلمان : شهد
شهد انتفضت مره وحده :هاا سلمان اشفيك خرعتني
سلمان تأكد ان فيها شي : شهد قومي معاي ابيج في الغرفه
شهد خايفه لايكون عرف شي : اوكي
ام سلمان : اشفيكم ؟!
سلمان : لا بس ابي اكلمها عن العرس

دخلوا الغرفه وشهد تنتفض تحس ماتقدر تسيطر على نفسها .. يارب مايعرف شي والله لو عرف بيقلب الدنيا وبتستوي سالفه طويله وعريضه .. يااارب مايعرف ياارب .. سلمان طول الوقت يطالعها ويحس ان اخته مب نفس كل مره تتغشمر وتضحك الحين يبين عليها خايفه وايد ومتوتره ..

سلمان بنظرات حاده : شهد انا عرفت السالفه كلها

انصدمت وزاد ارتجافها وخوفها .. والا واصلها مسج .. لالالالالالالالالا تكفى راكان لاتكون انت تكفى مب وقته ..
بحرينية وافتخر

يــــســـلــمو اختـي


يعــــطيـج العـافيــــه

سوري على التأخير

الحين بنزل لكم كم فصل
تحياتي بحرينية وافتخر

الفصل الخامس الجزء الثاني

سلمان : فتحيه
شهد:معليه بعدين كمل كلامك
سلمان : لا فتحيه الحين

شهد تحس ماتقدر تمسك التلفون من الخوف .. مع ان مالها ذنب .. فتحته وكأنه احد ياي من السما ينقذها .. كان بدر مطرش لها رسالة

يعلم الله لك معزه جاوزت كل الحدوود...
لو بغيت احسب مداها ...
ما كفاني هالوجود..

شهد تكلمت وبصوت مسموع الحمدلله .. الله انقذها وماطلع راكان .. بس الحين سلمان يقول انه يعرف السالفه .. يارب تطلع سالفه غيير

سلمان : شهد قولي لي انتي ليش خايفه ؟! بدر سوالج شي ؟! قالج شي ؟!
شهد حست براحه باين انه مايعرف شي : ها لا بدر ماسوى لي شي بالعكس حاطني فعيونه
سلمان : عيل ليش هالتوتر والخوف اللي باين عليج
شهد تتصنع الراحه : انا لا مافيني شي
سلمان : شوفي جسمج يرتجف شهد ترى انتي مالج غيري.. قولي لي اذا فيج شي انا اخوج
شهد:لالالا مافيني شي

شوي والا التلفون يرن .. وكان المتصل بدر .. هالمره انقذها عدل .. شالت التلفون واستأذنت من سلمان .. طلعت من غرفته وكأنها اجتازت امتحان ثنويه عامه .. دخلت الغرفه وسكرت الباب وتمت تكلم بدر اللي مابينت له شي ولا قالت له شي كلش

.........................

قعد سلمان في الصاله وهو يدري ان امنه موجوده .. ميت يبي يشوفها .. بس اشلون ؟! .. خلاص هو حس انها زوجته من الحين اللي قاله ابوه لازم ينفذه .. مايعرف يتكلم في الموضوع الحين والا ؟! .. حب انه ينطر شوي .. لين تعرس شهد وتهدا الامور ويصير الكل متفرغ .. بعدين يكلم امه .. بس ظنكم توافق ؟! .. اووف اخاف ماتبيني والا شي وخالد يغصبها .. لا خالد مو من هالنوع خالد عاقل ومتفهم وايد ويحب اخته

..........................

دخلت عليها الغرفه حصلتها فاتحه شعرها ومنسدحه على السرير وتلعب بقذلتها .. وسرحااااااااااااااااااااااااااااااااااااانه رايحه عالم ثاني

الجوري : هههههههه لالا اميره وقعت فالحب بشده
اميره ملتفته عليها وبنظرات امل : ااااه مسافر مسافر متى بيرجع متى
الجوري قربت منها : اميره اشفيج يالدبه انتي مب طبيعيه والله
اميره ببرود :هاا ؟!
الجوري:ههههههههههههههههههه اقول الغاليه تبين عشا والا ؟!
اميره تلحفت وهي ماتدري عن كلام الجوري وهي تفكيرها في الحنطاوي اللي للحين مارد : مابي مابي روحي

طلعت الجوري وهي صج هالمره خافت على حالة اميره .. انا مادري الحب يسوي جذيه ؟ والا البنت ينت ؟! .. طالعت فوق .. وينك يالحنطاوي ارجع لايستوي فأختي شي ..

بعد ماطلعت الجوري اميره للحين متلحفه وتفكيرها في .. خالد .. ارجع ابي اشوفك وحشتني .. ترجع بالسلامه يااااااااااااااااااااااااارب .. طالعت فوق وتمت تفكر في المستقبل وتتخيل انها متزوجه وام .. لقت انها مسؤوليه كبييره عليها .. وحبت انها تتم في تخيلاتها البسيطه احسن واريح لها ..

.....................

مابقى عن عرس شهد الا 4 ايام .. ياترى هالعرس بيعدي على خير ؟! .. هالمره غير شهد مستانسه وتنطر هاليوم على احر من الجمر .. وبدر نفس الشي واكثر .. بعد 4 ايام بيجتمع قلبين .. جمعهم الحب لايام قليله .. وماحب يفرق بينهم .. ياترى بيتم العرس على خير ؟!.. الكل يستعد طبعا ويتجهز .. قايست الفستان للمره العاشره .. حصلته اوكي ومرتب .. قعدت على السرير .. وهي تتذكر في هذي الايام وليلة العرس خصوصا اشصار قبل 6 .. 7 شهور .. لما كانت تكلم راكان وجاسم طق الباب يقولها ابوي مايرد علينا .. اوووووه راكان اشلون نسيت موضوعه انا .. شكله ناسي من ذاك اليوم ساكت مادق ولا شي .. فكه وان شاء الله يتم جي على طول .. شوي وينفتح الباب وتدخل تركض تناقز على السرير

شهد : اشفيييج اشصااير
حور : بعد 4 ايام العرس هيييييييييييييه وناسه
شهد:هههههه انتي وحده عبيطه تدرين لو متزوجه قبل جان انتي مو مستانسه الحين
حور وقفت فجأه وتذكرت ابوها قعدت على السرير وتربعت وهي هااديه وساكته :.....
شهد حست فيها وقربت منها : بس حبيبتي حور لاتزعلين هذا قضاء الله وقدره
حور نزلت دمعتها : شهد ابوي وحشني وايد خاطري اشوفه واسولف معاه
شهد ضمتها لصدرها : حبيبتي ابوي مايبي منج الا الدعاء لاتبخلين عليه
حور حست نفسها طفله في حضن شهد : شهد انا كل يوم ادعي له ان الله يغفر له ويرحمه ويدخله جناته
شهد:الله يتقبل منج ان شاء الله

شووي ودخل سلمان .. وعرف ليش حور متضايقه .. حب انه يطلعهم من هالجو الكئيب ..

سلمان : امنه وين ؟!
حور تمسح دموعها :راحت عند خالد من شوي راجع
سلمان : الدب ما اتصل فيني
شهد : تحصله تعبان من الطريج وراقد
سلمان : زييييييييين اشرايكم اوديكم مكان تتمشون ؟!

حلت الصدمه على حور وشهد .. من 4 سنين ماسمعوا منه هالكلام .. معقوله سلمان يقول بطلعكم ؟! اشصااير .. حور ماصدقت .. قامت وتمت تطالعه .. انته من صجك ؟! .. رد عليها وهو ميت من الضحك .. أي من صجي .. وهو رايح .. لكم 5 دقايق لو ماجهزتوا مافي طلعه .. وبنروح انا وامي بروحنا

حور :لالالالالالالالالالالالالالالالالالالالالالالالال الالالالالالالا ثواني وانا جاهزه

راح وهو حاس بالذنب مسكينه حور مالها غيري بعد ابوي .. هو كان يطلعها ويونسها .. على شان جذيه متعلقه فيه وتحبه وايد .. ااه يايبه والله ان مانسوى بدونك رحت وتركت لي مسؤوليه كبيره.. بس بحاول اعوضها ان شاء الله ..

...........................

دخل البيت وتم يمرر نظراته في كل مكان .. تنفس بقووو .. ومشى رايح غرفته .. وهو يفكر .. الحين انا لهدرجه مينون فالحب ؟! .. معقوله اسوي هالشي .. بس عااادي بسويه يعني بسويه .. على شان تعرفين ياشهد ان مب راكان اللي يتحدونه .. انا بروييج .. والله لاقلب عرسج عزى بتشوفين بتشوفييين .. دخل غرفته ورقع الباب .. الجوري طلعت من غرفتها على هالصوت .. بسم الله من اللي ياي امعصب .. هاي اكيد صلووح ان فله يرقع الباب .. مالت عليك يالبايخ .. وردت لغرفتها .. تكمل شغلها ..

..........................

اذن الفير وكاعاده ركض على الدريشه تنطره يطلع .. دقيقه .. دقيقتين .. الا هو طالع .. طارت عيونها .. تمت مندمجه تطالع خطواته وهو يمشي .. يابعدي ياخالد .. طق طق طق .. قطعها صوت الباب ينطق اووووف هذا وقته .. منو اللي متفيج .. ترى مااقدر اشوفه الا هالوقت ..

اميره : منوو؟!
ركاان : انا راكااان

اميره ركضت لبست الروب .. وسكرت الستاره .. وقعدت ..

اميره:تفضل راكان

دخل راكان وشافها بهالمنظر .. استحى .. دخل وقعد على السرير وهو يطالع تحت .. اقول والا ما اقول ؟! .. اذا قلت لها اكيد بتقولي نصيب ومادري شنو ولاتسوي شي ..

راكان : اميره انا ياي ابي اقولج شي
اميره : شنو ؟!
راكان : اميره انتي تدرين انا اشكثر احب شهد وابيهـ
اميره قاطعته : راكان انته للحين تفكر فالموضوع ارجوك ياراكان انسى انسى خل البنت في حالها خلاص
راكان وقف : مب مخليها في حالها مااابي .. العرس هاي مايتم مايتم
اميره مستغربه : والله انك مب صاحي .. والله
راكان : يعني شسوي في قلبي ؟! والله احبها ما اتخليها لغيري او اعيش من غيرها
اميره : والله محد قالك لاتخطبها قبل مانروح انته اللي قلت انطروا

راكان ماحصل شي يقوله وطلع على طول غرفته وهو معصب .. اتصل فيها .. وماردت .. دز مسج ..

لاتحسبيني سكت لاني بسوي اللي في راسي .. ومابينج وبين بدر خلوه ياشهد

قرت مسج وخافت .. قفلت الجوال على طول .. تمت تفكر وتفكر .. مالقت حل .. هالمره تحس انها قويه .. ماتدري ليش تحس انها ممكن تحل المشكله .. راكان .. يبيني وانا بتزوج اشلون اتصرف معاه هاي ؟!

.................

اذن المغرب وراحوا الجوري واميره وام راكان السوق يشترون اشياء بسيطه حق العرس .. اكسسوارات وهالشغلات .. راكان تم فالبيت .. متضايق ..

اتصلت وهي كلها ترتجف .. ياربي ساعدني

راكان : هلا والله
شهد:اسمعني .. انته فالبيت ؟!
راكان : أي نعم
شهد : حد هنيه ؟!
راكان : لا خير ؟!
شهد:الحين انا بايي بتفاهم معاك
راكان مستانس : هلا والله وغلا البيت بيتج
شهد:بس فالحوش داخل ماندخل
راكان : حيااج انا انطرج

لبست عبايتها وشيلتها .. وطلعت بعد ماقالت لهم انها رايحه حق امنه .. تمشي بخطوات ثقيله .. وقلبها يطق بقوو .. مامعاها الا جوالها .. كانت خايفه وايد .. ااه الله يستر يارب ساعدني على شان اخلص من هالمصيبه اللي على راسي .. دخلت البيت .. وحصلته قاعد فالحديقه ومبتسم .. قربت منه .. وقلبها تزيد دقاته

شهد : راكان

الفصل السادس الجزء الاول

تنهد بقووو .. وابتسم ابتسامه خبيثه .. شهد قلبها يرقع من الخوف .. وتشوفه يقرب منها اكثر واكثر .. تخربطت الافكار في بالها .. نست الكلام اللي كانت مجهزته و بتقوله .. ماشافت جدامها الا راكان

راكان : شهد تعالي معاي داخل الجو حار
شهد : هه الجو امثلج ( ترفع يدها للسما ) شوف الثلج اللي يصب
راكان وهو رايح : تبين تتكلمين تعالي داخل انا هني مب قاعد
شهد : تعال بكلمك اشلون تخليني وتروح

راح وهو ساكت دخل وسكر الباب .. انقهرت من الحركه .. وراحت تطق الباب .. فتح لها .. وقالها تدخل .. مالقت جدامها الا هالحل ودخلت .. قعدت على كرسي بزاويه الصاله .. وهي ترجف .. وخايفه ومتوتره .. قعد قريب منها وهو يطالعها من فوق لين تحت

راكان : هلا والله بالغلا هلا بشهد
شهد بحزم : اسمعني زين .. انا يايه هنيه على شان احذرك .. ابتعد عني وعن زوجي والا بتشوف شي ماشفته في حياتك
راكان :هههههههههههههههههههههههههههههههههههههههههههههههه
شهد بقهر : على شنو تضحك .. والله انك بتتحسف وبتذكر اني قلت هالكلام

قام وقرب منها .. وماشافت الا وحش يطب عليها .. حاولت تشرد .. ماقدرت .. تمت تصارخ وتزاعج .. وصارت شبه عاريه .. تضربه تبعده عنها .. وهو يقرب اكثر ويمسكها بقوو ..

شهد ترفسه وتصيح : قووووووم عني قوم
راكان بقوو : والله لا اخلي بدر يطلقج وبتطلعين بدال شهد الطاهره شهد بنت الشوارع
شهد : اااااااااااه قوم عني قووووووووم حرام عليك قوووم

وفجأه انفتح الباب بقو وانسمعت رضخته على الطوفه .. وبصرخه وحده هزت البيت : راكااااااااااااااااااااااااااااااان

وقف راكان فجأه وحس بالصدمه اللي هزته التفت والا يشوف صالح جدامه يتنفس بقووو وويهه احمر .. انصدم صدمت عمره

صالح قرب منهم وبصراخ : يالوصخ يالسافل تعتدي على بنت جيراننا ؟!
راكان حس بقوة الكلام بس ماقدر يرد شيقول شيتكلم :................

قامت شهد وهي تصيح وتصارخ عليه .. صالح ما التفت عليها لانها بمنظر مخزي جدااا .. لبست عبايتها .. وطلعت وهي تصيح وندمانه انها فكرة انها اتييه .. اعتدى عليها .. كان بيوديها في ستين داهيه .. محد بيصدقها اكيد .. من بيوقف بصف وحده بنظرهم حقيره ووصخه .. الله حماها .. الله رحمها وانقذها .. بااجر لازم اروح المستشفى لازم اتأكد الله ياخذك الله ياخذك ياراكانووو الحقير .. بس صالح .. مالها ويه تشوفه .. صالح شبيقول عني .. شبيقوول اكيد متفقه معاه .. الله يعلن الساعه اللي يت فيها هالبيت .. الله يستر وماتوصل السالفه لسلمان والله ليقطعني قطعه قطعه ويرميني للكلاب

دخلت البيت وهي حالتها حاله .. تمشي بسرعه ماتبي احد يشوفها .. ويسألها .. الضربات على جسمها كله .. صج قاومت .. بس دايما المره ضعيفه جدام الريال .. وخصوصا في حالات الانتقام وجدام واحد مثل راكان .. مايفكر الا باللي يبيه ومايهمه احد .. ملابسها مشققه .. بس العبايه مافيها شي .. ركض غرفتها بدون محد يحس فيها ...... قفلت الباب .. وطاحت على السرير وهي ميته من الصياح .. اااااااااااااااااااااااااااااه ليتني مارحت .. انا غبيه ما افهم اشلون اروح له البيت .. انا شنو سباله لما فكرت جذيييه انا اشلون افكر شنو عقلي اشهالغباااء .. اااااااه ان شاء الله ماصار شي ياااااااااارب .. وتمت تصيح وتشاهق .. لين ماسمعت صوت سلمان يسولف معا امها سكتت ماتبي احد يحس بشي

تحياتي بحرينية وافتخر

صالح من طلعت شهد وهو ساكت يطالع راكان اللي ماعرف شيسوي غير انه تم واقف وقابض على يده بقووو .. صالح شافه .. شافه وهو ممكن يمس شرف بنت .. صالح شافه .. بيقول حق الكل .. وبيطلع راكان سافل وحقير واناني .. صالح قرب من راكان .. وماحس الا بيده تصفعه صفعه .. كأنها ردته لوعيه .. ماقدر يرد عليه .. ماعنده دليل ماعنده كلام ضاعت افكاره وضاع الكلام .. وضاعت سمعته ويبته جدام اخووه .. وياليت يكون الكبير .. اخوه الصغير اللي كان راكان بنظره شي كبير .. راكان القدوه اللي امه دايما تقوله اقتدي فيه .. وبالاخر طلع راكان .. هذا راكان .. معقوله .. صالح مب مصدق اللي يصير جدامه .. معقوله راكان يسوي جذيه ؟! .. والله مب مصدق يطالع جدران البيت يمكن مب بيتنا يمكن انا داش مكان غلط .. بس للاسف هذا هو بيتنا .. هذي جدرانه وكراسيه وبيبانه .. ولوحاته .. وللاسف هذا راكان .. بلاا هذا راكان .. اللي صار بنظري اقذر واوصخ انسان

....................................

اكيد انصدمتوا .. نفس ما انصدم بدر .. اللي كل شوي يدق على جوال شهد .. ويرد عليه واحد .. شهد نسته في بيتهم ماقدرت تاخذه .. نست كل شي واللي تفكر فيه انها تطلع من هنيه .. اكيد هالشي في صالح راكان .. انه يخرب بينهم بس ياترى يقدر يسوي شي ؟!

صالح شاف الجوال وخذه معاه .. كان طالع .. وكل مادق بدر هو يرد عليه .. خذه لانه خايف ان راكان يسوي شي .. بعد ماقالت له اميره ان راكان يحب شهد .. كان ينطرها تتصل على شان يقولها ان جوالها عنده بس لين الساعه 11 محد اتصل غير بدر اللي احشره .................

صالح : هلا الشيخ امر ؟!
بدر : هذا جوالك ؟!
صالح تصرف بذكاء : لا هذا جوال زبون نساه بالمحل ان شاء الله يرجع ياخذه
بدر : اهاااا خلاص فمان الله

سكر بدر وحس بالراحه لان السالفه طلعت جذيه .. شهد فالبيت متحرقصه تدور الجوال .. واخر شي تذكرت انها ودته بيت بوراكان وخلته هناااك .. مااااااااتت من الخوف .. اكيد راكان بيكلم بدر وبتستوي سالفه خل اتلاحق عمري قبل لا يقطني الخايس في مصيبه .. راحت ركض على تلفون البيت واتصلت .. رد عليها صالح ..

شهد : منو ؟!
صالح : انا صالح .. انتي شهد ؟!
شهد منحرجه ومتفشله : صالح ؟! جوالي عندك ؟!
صالح : ايه .. خلج فالبيت الحين احطه عند الباب
شهد : اوكي

........................

فتحت المسنجر .. ونطرت ساعه .. ولين الحين .. مادخل .. ياربي اشفيه من يومين امطقع ؟! .. اوووف الله يخليك ادخل .. ترى انا تعبت وانا انطر .. ثواني والا ..... تم تسجيل دخول ........ مسكين حالي ....... تمت تناقز هيييه واخيرا واخييييرا الدب اونه امطقع انا ارويك معا ويهك .. >> سعود شاب وسيم وطيب واخلاقه عاليه ماعدا الـ 20 سنه.. تعرف على الجوري عن طريق منتدى .. تعلق فيها وايد وحبها من قلبه وهي نفس الشي حسته غير عن كل الشباب .. صار لهم مع بعض سنه ونص .. وعلاقتهم مثل العسل .. طبعا سعود واعدها بالزواج .. ودايما يحلمون مع بعض بالمستقبل وانهم مستحيل يفترقون حتى انهم اتفقوا على اسماء عيالهم .. بس سعود هالكلام يتحسس منه .. يحس انه مو من حقه يتزوج او يحب .. بس ليش ؟!! تتوقعون فيه شي ؟! هالموضوع محد يدري عنه الا الجوري بروحها .. ماقالت لاحد عن سعود .. حتى حور اللي تعتبرها حافظه اسرارها ومستحيل تبوح فيها لاحد<<

مسكين حالي " هلا والله بالغلا "
جوجو " انجلع لاتكلمني كلللللش مابي اكلمك"
مسكين حالي " افاااااااااااا ليش قلبي اسف والله اسف كنت مودي الوالده المستشفى تعبانه "
جوجو " موديها يومين ؟! شنو تقص علي انته ؟! "
مسكين حالي " حشى والله ما اقص عليج الجوري الله يخليج ساامحيني ترى ما اقدر على زعلج يالغلا "
جوجو بدلع " خلااااااص سامحتك بس لاتعيدها لان قلبي طاح ببطني وايد كنت احاتيك "
مسكين حالي " ان شاء الله ولايهمج "
جوجو " سعود في بالي سؤال خاطري اسألك من زمان بس مستحيه واخاف تفشلني "
مسكين حالي " ماعاش من يفشلج تفضلي سألي ووعد مني لج الاجابه "
جوجو " ليش كاتب مسكين حالي ؟! تراه وايد كئيب لهدرجه انته حزين بحياتك ؟! "
مسكين حالي " الجوري الله يخليج بعدين بتعرفين كل شي "
جوجو"يعني هالاسم وراه شي "
مسكين حالي بحزن " وراه اشياء ياقلب سعود بس خلي كل شي بوقته "

الجوري حست ان فيه شي وانه تضايق لما اسألته على شان جذيه غيرت الموضوع .. وتمت تكلمه عن فستانها والميك اب والتسريحات وهو مثل الاطرش بالزفه مب فاهم شي .. تدرون سوالف بنات .. وتدور الراس .. قولوا سياره .. كلهم يجون يسمعون السالفه هههههه

............................

دخل عليه الغرفه .. لقاه ماسك راسه ومنزله .. وكأنه في مصيبه مب راضيه تفج عنه .. يعز عليه انه يضرب اخوه الكبيره .. حب انه يستسمح منه .. صج اللي صار جدامه مب شوي .. وخلاه يطيح من عينه .. بس مهما صار .. مايبيه يحس انه بروحه .. ومايبي يخلي اخوه يعيش في متاهات والالام ..

صالح بهدوء : راكان
راكان ولاتحرك : ......................
صالح تنهد وقرب منه : راكان رد علي ليش ساكت ؟!
راكان التفت عليه بهدوووء : صالح انا اعترف اني غلطان وادري اني طحت من عينك وهالشي اللي مضايقني
صالح : لا ياخوي مهما صار ومهما يكون انته اخوي الكبير وكل انسان يغلط محد معصوم عن الخطأ ياراكان
راكان التفت على اخوه وعيونه تتغارق بالدموع : صالح انته تهمني وايد الله يخليك الله يخليك لاتحتقرني انامتحسف قد شعر راسي
صالح عوره قلبه : لا مستحيل انته شتقول .. قلت لك تظل اخوي الكبير
راكان يصيح : صالح الله يخليك خلني بروحي الله يخليك
صالح وهو طالع : على راحتك

كل اللي صار .. والدموع والصياح .. مصطنع ............. راكان ماكان ندمان ولا شي .. بالعكس .. هو مستانس من اللي سواه .. خطوه ممتازه واكثر من ممتازه .. بالنسبه له .. قفل الباب .. وشغل الكيمره .. وشااف كل اللي صار امس .................... يعني كان مصور كل شي .. من دخلت شهد البيت لين طلعت .. معقوله ؟!!! شهد بيكون مصيرها متعلق في راكان .. اشناوي عليه ؟! .. صورها .. بيفضحها ؟! .. بيعطي بدر المقطع ؟! .. والا بيعطي سلمان والا شبيسوي ؟!!!!!!!!!!!!!!!!!!!!! .. راكان نتوقع منه كل شي .. مسكينه ياشهد .. المصايب لاحقتج لاحقتج وين مارحتي وانتي مالج ذنب............. الله يستر
تحياتي بحرينية وافتخر

انطرت لين الساعه 7 .. وراحت على طول .. ماقدرت ترقد تخاف النتيجه تصدمها

طلعت من عند الدكتوره .. والارض مب شايلتها من الفرحه .. الحمدلله افتكيت سلييييييييمه .. الحمدلله ياربي الحمدلله .. التفتت على الخدامه .. ونادتها .. وعلى طول السياره .. تحس براحه الدعاء نفعها امس والله استجاب لها .. و افتكت من التفكييير والخوف والقلق .. وتمت تتذكر اشلون حالتها امس وجنه حلم .. مب مصدقه ان هالشي صار لها .. والله حقير حقير .. بس اهم شي سليييمه .. الحمدلله الحمدلله

....................

مر يوم .. وباجر عرس شهد ....... راكان ساكت وهادي .. وهاي اللي استغربت منه شهد .. معقوله خلاص بيخليني في حالي .. ؟! .. ان شاء الله .. يارب .. يمكن تندم وخصوصا ان صالح شافه .. واكيد الحين مهدده والا شي ....... !!

...................

في بيت بوسلمان على الساعه 3 العصر .. حور وامنه قاعدين ومتمللين .. ويتمنون لو يكون اليوم العرس ..

حور : اوووف والله زهق
امنه : أي والله
حور : اقول امنه اشرايج اكلم سلمان يطلعنا ؟!
امنه : لالالالالالالالا استحي انا مابي
حور : ههههههه تستحين ؟! ليش احد يستحي من ......
امنه : جب يلاا جب ولاكلمه
حور ماسكه التلفون : اقول انا بتصل في سلمان خل يودينا والله زهقت حدي
امنه : كيفج
حور : مب يايه ؟!
امنه : نووووووووو
حور : هاهاي والله اتين وراسج فوق ريلج
امنه : حور عاد لاتحرجيني
حور : قلت لج غصبا عنج تروحين

اتصلت حور بسلمان .. وقالت له انهم يبون يتمشون .. بس قالها مايقدر لانه عنده شغل ..

حور : سلمااااان امنه تقول متملله حدهاااااا تكفى طلعنا
امنه تضربها على ظهرها : وجعع من قالك اني متملله
سلمان من سمع طاري امنه ماحس الا وهو يقول : زيين برزوا بس مب متأخرين

سكروا وهم مستانسين تموا يناقزون ويصارخون لين طلعت شهد وكانت ميته من الخوف

شهد بخوف : اشفيكم اشصاير ؟!
حور : سلمااااااااااان اخوي حبيبي بيطلعنا انا وامون يالله اذا تبين بدلي الحين بيي
شهد : مالت عليج خرعتيني قلت صاير شي
حور : الحين بتين والا لا؟!
شهد تفكر : اممممم اوكي
حور : يالله زين لاتتأخرين ترى بيهون

راحوا يبدلون .. وعلى الساعه 4 ياهم سلمان وراحوا الاند مارك .. شهد كانت قاعده وتقرا المسجات .. وتدور مستحيل راكان ماطرش مستحييييل .. الظاهر انه صج تندم مسكين .. دخلوا الاند مارك .. وراحوا صوب ال BHS وهم يتمشون شهد مستانسه وتطالع المحلات والناس واليهال اللي حاشرين الدنيا .. وفجأه تنصدم .. وقفت مب مصدقه اللي تشوفه معقوووله ؟! .. لااااااااااااا مستحيل مستحييييل


الفصل السادس الجزء الثاني ..


.. ما بغيت اخلص مابغيت افتك .. كل ما اروح مكان يطلع لي .. ما التفتت الا تشوف سلمان رايح له .. لاااا ارجوك سلمان لاتروح له

راكان : هلا والله بسلمان شخبارك الغالي ؟!
سلمان : هلا فيييك الحمدلله انته شخبارك ؟!

شهد ميته تبي تعرف شيقوله شبيصير .. وفجأه تشوف سلمان رايح معا راكان اوووبرا .. ومخليهم بروحهم .. امنه وحور تشققوا على شان يبتدون صياااعه .. اما شهد ماتت من القهر يخلينا ويروح على شان راكانووو ..

.................................................. ...........................

يوم السبت .. الساعه 7 صباحا ..

وعادت الافراح الى هذا البيت الحزين
وتناثرت اوراق السعاده لتعلن قدومها
وتنتشر الابتسامه من اليوم هنا .. منذ رحيل .. الوالد .. وقد احتلتنا المشقه
وسادت نسماتنا العطره .. رياح حزن بعثرتها .. وقدوم وحده فرقتنا
وها نحن نجتمع مره اخرى .. ولكن .. هذه المره لافترق عنهم وانا على قيد الحياه

" كتاباتي"

,,,,

تنهدت وسكرت الدفتر .. رجعت لورى وحطت راسها في نص راس السرير .. وخيلتها وتفكيرها في اليوم .. اليوم بيزفونها لبدر حبيبها ........ زاد الخوف والرجفه .. كنت انطر هاليوم من اسبوعين .. وكاهو الحين .. يارب ساعدني اليوم اانا وايد خايفه ..


.
.

طبعا العرس في قاعة الوسيل .. الريتز كارلتون .. شهد خذت فستان ثاني .. من ذوق بدر بعد لان اللي قبل كانت له ذكريات مب زينه كان وايد وايد حلووو من وراها وهي ماتدري لاني ادري انها بتعصب ماتبي احد يشوفه الا فالعرس
.. على الساعه 4ونص .. راح الكل القاعه .. امنه والحور .. بيحطون مكياج مع شهد .. اما اميره و الجوري .. راحوا صالون وبيونهم المغرب .. كانوا حاجزين لهم غرفه يتعدلون فيها .. ويلبسون .. حور حشرت الغرفه من الاغاني .. كانت حاطه تنحط على الجرح ومطوله عليه حده .. وترقص والكل ميت من الضحك ..

شهد متوتره حدها : وينها مالت الشعر للحين مايات والله خايفه ما اتيي حور ارجوج اتصلي فيها
حور : جوالي امفضي
امنه يحطون لها مكياج : اخذي جوالي هناك

توها بتتصل والا هي داخله .. خلصت امنه مكياج وراحت يسون شعرها ..

شهد كانت قاعده على جنب تطالع الفستان.. وتفكر .. اشبيصير اليوم ؟! اااه والله خايفه .. كانت تتنافض .. تحس برهبه .. تفكر في الدخله .. الناس كلهم بيكونون يطالعونها .. يمه .. والله اخاااف .. امنه تطالعها وميته من الضحك .. تدري انها خايفه .. ام سلمان قعدت معاها وتهديها .. وتكلمها .. شوي والا تلفونها يرن .. واول ماشافت الرقم شالته على طول

شهد : نعم؟
العنود بحزن : اهلين شهد
شهد حست : اشفيج ؟
العنود: شهد سامحيني ماقدر ايي العرس لان بنسافر اليوم
شهد : احسن
العنود: شهد قلبي الف الف مبروك
شهد : مابي احد يبارك لي ماكفاج اللي سويتيه ؟
العنود : والله ياشهد كنت مسافره ماقدرت ايي العزا سامحيني
شهد:تامرين على شي ؟
العنود:سلامتج
شهد:باي
العنود بحزن :شهد سمعيني

ماسمعت الا رضخت التلفون في ويهها .. شهد كانت بتموت ماتقدر تسفه حق عنود .. بس انا متأكده ماكانت مسافره ليش ما يات ؟! كنت محتاجه لها وايد ..

................

كان قاعد في الغرفه .. عيونه حمر .. يطالع جدام وماتتحرك .. قابض على يده من القهر .. اليوم بتعرس ست الحسن والجمال .. والله لاقلب عليج العرس انا ارويييج .. رص على اسنانه من الحره .. وتم يسبها ويسب بدر ويتوعد فيهم .. وهو يفكر بطريقه ينهي فيها عرس اليوم ويحوله الى مأسااه .. طــــــــــن .. وكأنه رنة الفكره في باله .. حسها خطيره وايد .. بس بيسويها يعني بيسويها .. شهد بعلمج منو راكان .. وشممكن يسوي .. واذا قلت العرس مايستوي يعني مايستوي .. والله لارويج هين .. الليله بتكون مأساتج والاامج وحزنج ياشهد .. والله لاحرق قلبج مثل ماحرقتي قلبي ..

................

السـاعه 5 ونص العصـــر .. شهد وامنه خلصوا مكياج ..ونزلوا ياخذون فسااتينهم من السياره .. ويا دور شهد اللي ركبت لها عدسات زرقاا .. وطالعه اتهبل قبل المكياج .. كانت وايد خايفه وتحاتي .. راكان مستحيل يسكت .. مستحيل .. الله يستر .. مشت وقعدت على الكرسي وسندت راسها .. وهي تستغفر وتقرا المعوذات في قلبها على شان تهدي نفسها شوي ..

نورا الممكيجه : أي لون في خاطرج .. ؟!
شهد برجفه : فوشي الله يخليج
نورا وهي تطلع الاغراض : لاتخافين حبيبتي تماسكي .. الاعرس هو انا مروا علي كم وحده ماشاء الله مايبين عليهم الخوف
شهد : هه موبكيفي غصبا عني والله

تمت تحط لها وتحط .. وشهد تفكر في بدر وراكان والعرس .. تفكر في اليوم .. الليله .. العرس .. الدخله .. مشيتها .. فستانها .. الزفه .. كل شي .. مخها مشموش بالافكار .. يااااربي ساعدني اليوم ..

نورا : فديتج فتحي عيونج بحط لج أي لاينر
شهد بهدوء : ان شاء الله

فتحت عيونها والا تشوف امها تصيح بصمت .. عورها قلبها وتمت عيونها تدمع غصبا عنها

نوراا :لالالالالالالا ليش تصيحين اخترب الاي لاينر
شهد تمسح دموعها : اسفه
نورا : الله يخليج اذا بتدمع عيونج قولي على شان اتصرف قبل لايخترب
شهد : ان شاء الله ولايهمج ..

.......................

دخلت اميره على الجوري وكانت توها مخلصه من المكياج ..

الجوري : اميروووووووووووووووووه يالسباله يهبببببببببببببل
اميره بدلع : صج ؟!
الجوري قربت تشوف ويهها : والله روووعه .. ( تطالع فوق ) .. يبيلج الحنطاوي يشوفج .. ههههههههههههههههههههههه
اميره تستحي : جااااااااااااب
الجوري : ههههههههههههههههه
اميره تضربها على كتفها : روحي قلبي دورج تحطين مكياااج ..
الجوري وهي رايحه : اوووووكي

راحت الجوري .. واميره ركض على المنظره الكبيره تشوف نفسها .. وتتخيل انه يدخل عليها .. ويشوفها بهالمنظر .. ويموت عليها ياااااااي والله خاطري اشوفه وهو اليوم كاشخ.. ابتسمت .. فديتك يالحنطاوي .. والله انك مخبل فيني .. وراحت على شان يسون شعرها ..

............................

قامت وطالعت نفسها في المنطره .. تمت تتلفت .. تشوف احد ثاني معاها .. احد ثاني حط هالشكل .. لاكن لا هاي هي .. ماصدقت نفسها .. معقوله هاي انا ؟! ..
كانت طالعه اتيينن .. االمكياج وايد غيرها .. حور وامنه ماتوا عليها .. امها اول ماشافتها لمتها وتمت تصييح .. فديييتج يابنيتي .. يا اليوم اللي اشوفج فيه عروس .. شهد مسكت نفسها وماصاحت من حنت نورا عليها خخخ ..

..........................

حور كانت تهبل بالفستان التركوازي .. والميك اب الخفيف .. رفعت شعرها كامل ومنزله منه خصل.. امنه .. حطت مكياج احمر .. وخلت شعرها مفتوح وورده حمرا على جنب .. كانت وايد حلوه وطول الوقت ام سلمان تطالعها ^_*.. الجوري واميره كانوا طالعين ناعمين .. لابسين فساتين حرير قصيره .. ومسوين تسريحات ومكياج نفس الشي .. كانو مميزين .. اذن العشا .. ونزلوا كلهم .. تمت اميره فوق معا شهد وحور راحت معا امنه يجيكون على الزفه .. والبنات ياو والا لا .. شهد كانت ميته من الخوف و يسون شعرها هو طوويل وايد .. الكوافير قالت لها بسوي لج حلو وغريب .. و صج صج كان رووووعه ..
حطت فوقه هالتاج على شان تثبت الطرحه
ويابت شعرها كله على جنب .. طلع جناااااااااااااااااااااااااان ... احلى عرووس .. اميره كانت تشوفها وهي تتخيل لو راكان بياخذها ماشاء الله عليها .. صج كانت اتينن ..

القاعه كانت خياليه .. كل شي وردي في وردي .. وشهد مطقمه معاها .. الطاولات كانت وايد حلوه .. فيها ورد وردي وشموع طوال .. وعلى الطاوله كامله ورد منثر .. وفيونكات ..
الكوشه من ذوق شهد .. جنها من الف ليله وليله .. كل شي ذهبي واضاءه ورديه جدام الكرسي لولو منثر واصله ليتات .. وفيها ورد في كل مكان .. صج كانت مميزه وتلفت النظر .. شوفوها ..
المعازيم بدوو ايون .. على الساعه 8 ونص .. حور وامنه راحوا عند الديجيه يختارون الاغاني .. واول اغنيه كانت هلي .. لان شهد تموت فيها .. وهم قاصدين انها تسمعها وتحتر لانها ماتقدر ترقص .. خخخ
................

عند الريايل .. بدر واقف معا سلمان وخالد يسلمون على الريايل .. شوي ويات فرقه المزيود الحربيه من الامارات .. سلمان راح ايول معا واحد من الفرقه كان يعلمه .. وخالد ميت من الضحك عليه .. شوي وسلمان اير خالد ويوديه ايول معاه .. الخيمه كانت قريبه من بيت بو سلمان .. وكبيره .. ياو ناس وايد ووزراء وشيوخ .. لان عم بدر تاجر معروف .. ومعارفه وايد وكباريه .. بدر كان باله في القاعه .. وكان قمه في السعاده ما اقدر اوصف لكم شعوره لاني مهما اكتب ما ابين لكم ذره من اللي يحس فيه.. وخصوصا ان اليوم بياخذ شهد وبيروحون مع بعض على طول ..

برى الخيمه كان واقف ويطالع .. شكله تعبان وحزين ومتألم .. تم يطالع الداخل والطالع .. ويفكر يسويها والا لا ؟! .. بسويها .. بسم الله .. راح بيتهم وخذ الغاز والجبريت .. وبسرعه راح صوب الخيمه من ورى وهو متلثم.. وخصوصا عند المكان اللي واقف فيه بدر .. ماكانت فيه ذرة تردد .. فتح الغاز .. وكته من اول الخيمه لين اخرها .. ماكان يدري ان في عيون تراقبه من بعيد .. تتوقعون منو ؟؟ .. الريال اللي يطبخ العشا كان يطالعه ومستغرب لادخل الخيمه ولاجنه له علاقه فالعرس عرف انه يايب غاز وعرف اشناوي عليه .. راح بسرعه داخل الخيمه وسيده عند سلمان .. بسرعه .. راح يركض خذ الجبريت .. وبعد شوي .. على شان يقطه ويشرد .. شغل العود الاول بسرعه يده كانت ترتجف ومن الخوف طاح من يده .. واندفن بين التراب .. فتح العلبه .. لاحول الله .. وولع الثاني وبعد طاح من يده .. لحول الله .. فتح الثالث بسرعه .. توه بيقطه والا .......

سلمان بصراخ : هييييييييييييي

راكان اول ماسمع الصوت تم يتلفت .. واول ماشاف سلمان انصدم حس انه مايقدر يمشي .. ريله ترتجف وجسمه كله يرتجف .. اول ماقرب منه سلمان قط الجبريت على الارض وراح يركض صوب الدواعيس صرخ سلمان على الدريول اللي راح يركض وراه لاكن ضيعه وماشافه .. سلمان انصعق لما شاف الجبريت والغاز منو هاي ؟؟ اشسالفته ؟؟ كان بيحرقنا .. راح حق الطباخ وسأله عن شكله لاكن ماعرف يوصفه لانه كان متلثم .. سلمان شغل باله الموضوع .. كلم الدريوليه وصفوا كلهم يحرسون الخيمه وهو راح داخل .. خالد لاحظ سلمان اول ما دخل مب طبيعي شفيه ؟

خالد بأستغراب : سلمان اشفيك؟ ليش طلعت ؟
سلمان محتار : بعدين اقولك

.........................

دخلت القاعه .. وهي تتنهد راحت الغرفه اللي فيها شهد على طول ودموعها على خدها .. طقت الباب وفتحت اميره .. قالت لها تسكت ماتبي شهد تعرف ..

اميره : معليه عنود دخلي وتسامحي منها اكيد بترضى عليج
العنود نزلت دموعها : لالا مابي ادري مابتسامحني .. ( طلعت كيس ) هاج عطيها بس لاتقولين لها مني
اميره : اوكي ولايهمج
العنود : يالله مع السلامه

طلعت العنود وراحت اميره على طول حق شهد عطتها الكيس وقالت لها ماتدري من منو .. فتحته .. والا هديه وبطاقه ..

شهد انا الحين رايحه لندن اعالج طلع عندي سرطان .. الف الف مبروك يالغاليه
واتمنى انج ترضين علي ..

العنود

سكرت البطاقه وهي منصدمه .. عنود فيها ... لا مستحيل حذفت البطاقه وهي ماسكه راسها اميره قرتها وانصدمت .. قربت من شهد تهديها .. حصلتها ميته من الصياح

اميره : بس شهد لاتخربين مكياجج الحين بتنزلين
شهد معورها قلبها : مسكينه انا كنت حاسه وادري ان من زمان بس ماقالت وانا اقولها جذابه ماسافرتي
اميره: شهد حبيبتي خلاص هدي نفسج

هدت شهد شوي .. وعدلت اميره لها الاي لاينر والبودره .. ويات حور تركض تقولها انها تنزل الحين .. خذت المسكه .. كانت وايد حلوه ونعومه كلها ورد وردي وابيض
نزلت بخطوات بطيئه وهاديه ..وقلبها كل شوي تزيد نبضاته .. كانت وايد خايفه .. حور كانت تطالعها شوي وتصيح بتروح عنا اشلون البيت بدونها ؟؟ .. ماتعودنا على فراقج ياشهد ..

.....................................

اطفئت الانوار .. و تسلط الضوء على الكوشه .. وبانت طفله صغيره نايمه على الكرسي .. لابسه لبس اميره وفي يدها ورده صغيره
اشتغلت موسيقى قامت وتمت تناظر السما وحولها وكانها تدور شي .. وهي تمشي وتركض في الكوشه اتعثرت ريلها بالعصاه السحريه لونها فضي خذتها ورفعتها للسما ووجهتها للباب تغيرت الموسيقى وصارت هااااديه .. وانفتح الباب اللي طلع منه الدخان وشوي تبان شهد .. اللي الكل مات عليها كانت صج صج روعه .. مشت بخطوات بطيئه وهاديه .. كانت وايد خايفه ومتوتره وتحس بالرهبه .. وكل ماتلتفت يمين ويسار الناس عيونهم عليها تحس انها بتطيح .. وكل شوي تاخذ نفس عمييييق .. لين وصلت الكوشه وقعدت على الكرسي .. طبعا الدخله هذي من ترتيب ريم اخت بدر الكل مات عليها .. كانت حلوه وغريبه

....................................

طييييييييييييييييط طيييييييييييييييييييط .. الهرانه والدويسه عند الريايل اللي زافين بدر لين القاعه .. السياره الاولى كانت فيها بدر وسلمان يسوق وورى خالدوصالح ووراهم يمكن 15 سياره بدر كان يطالع الطريج وميت يبي يوصل بسرعه يبي يشوفها .. 5 دقايق ووصلوا القاعه .. نزلوا سلمان وبدر .. وخالد وصالح نطروا سلمان برى ..

في القاعه دااخل قالوا ان المعرس بيدخل .. امنه بطنها تم يعورها ماتدري ليش .. طلعت وقعدت على الكرسي اللي برى .. تتصل في خالد مايرد عليها .. البنات كلهم لبسوا شيلهم وعباياتهم .. شهد وقفت وهي ميته من الخوف .. دخل بدر على اغنية للمعرس قديمه .. يمشي بسرعه وسلمان ماسكه من يده خخ .. من متى ينطر هاليوم واخيرا واخيرا .. وصلوا الكوشه لصق بدر في شهد وباسها على خدها .. شهد ماتوقعت هالحركه ونزلت راسها .. سلمان سلم على شهد وبارك لها .. صور معاهم صورتين وطلع .. البنات ماتوا عليه كان كاشخ وطالع مزيوون .. طلع من القاعه تنهد بقوووو والا يسمع صوت وراه

امنه ماسكه بطنها وكانت مغطيه ويهها : سلمان
سلمان التفت : نعم؟
امنه الالام تزيد:سلمان الله يخايك خالد وين ؟
سلمان : خالد برى خير امنه ؟
امنه مسكت العمود اللي جنبها : سلمان الله يخليك ناده بموت بموت بطني يعورني

ماتحملت العوار وحست بالدنيا تدور حواليها وطاحت على الارض سلمان انقبض قلبه .. حبيبته طايحه جدامه شيسوي .. ماحس بنفسه الا وهو شايلها وركض السياره صالح اول ماشافه نزل ورجع البيت معا تكسي .. خالد مات من الخوف على اخته ركبوها ورى وراحوا المستشفى بسرعه ..

........................

عند حور تدق حق امنه محد يرد عليها راحت تمت تدورها ماحصلتها .. قاموا شهد وبدر .. بيطلعون .. .. مسك يدها وهي تتنافض ابتسم لها وهمس لها بحنان احبج شهد .. تنهد ومشوا لين اختفوا عن انظار الناس .. مشوا رايحين غرفتهم فوق .. وكل واحد يفكر في حياته اليديده وشلون يسعد الثاني ..


الفصل السابع الجزء الاول ..

طلعوا من اللفت صوب الغرفه .. وهو يعابل فستانها والعبايه على راسها .. ووراهم حور وريم شايلين المسكه << رزت ويه .. خخ .. التفت فوق الا بنات ثنتين يطلون من الطابق اللي فوقهم .. رد يطالع شهد وهم يمشون .. فدييييتها .. فتحوا باب الغرفه .. دخلها وخذ المسكه وطرااااااااااااخ في ويه حور وريم .. تموا يطالعون بعض وكل وحده متفشله ..

حور مامسكة نفسها : هههههههههههههههههههههههههههههههه
ريم : هههههههه تفشلت خخخخ
حور : يالله نرجع
ريم : يالله ..

سكر الباب .. وحط المسكه على الطاوله وهو ماشال عينه عنها .. وكل شوي يتنهد .. ويطلق الاهات .. حذف البشت و قرب منها وهي منزله راسها ابتسم .. وبحنان

بدر : مبروك حبيبتي الف مبروك
شهد وهي منزله راسها وميته من الحيا وفي خاطرها تقول فديييته يهبل : الله يبارك فيك وانته مبروك بعد
بدر مامسك نفسه على شكلها : هههههههههههههههههههههه الله يبارك فيج
شهد رافعه حاجب : ليش تضحك ؟!

بدر قرب منها وضمهـــا بكل قووووووووووووته وهو مشتاق وولهان لها ورااااااااااااااااحوووووا لعااااااالم مافيه غيرهم .. يجمعهم اثنينهم ............ !! فقط

.................................

دخل غرفته وسكر الباب بسرعه وقفله .. قط نفسه على السرير " اااااااااااااااااااااه " قالها من قلب .. كان بينكشف .. وجدام منو ؟! سلماااان .. سلمااان رفيجه .. وحبيب قلبه .. ضرب ريله بقووو .. انا غبي انا حمار احد يحرق خيمه ؟! لا وفيها ناس بعد .. انا شنو والله اني حمار .. تذكر شهد ورص على اسنانه وهو يطالع الساعه ... 1 ونص .. اخس شيسون الحين ؟!! اكيد مستانسين .. يضحك معاها .. وتدلعه .. ومرتاحين .. لاكن وين بتروحين ياشهد ؟!!!! وين بتروحين ؟!!! الفيديو .. بيشوفه بدر لو ماسويتي اللي ابيه .. هين برويج منو راكان اللي بيتحسف .. اوكي ياشهد اوكي .. خذ المقطع وفتح الاب .. وتم يقطع .. ويرتب بحيث مايطلع انها معصبه .. وما كانت رافضه الوضع .. تم يمسح ويضيف .. وصار المقطع خطر يهدد حياة شهد اللي تحسب حياتها بتتغير وبترتاح من راكان .........

كانت منسدحه على السرير .. وماسكه بطنها .. وهي تتألم .. تنهد وقرب منها شوي وهو يطالعها ويطالع الساعه 2 الا ربع ابتسمت في ويهه وهي تعتصر من الالم والعوار.. لاكن هو يحس بشي ثاني .. يبين انها تعبانه و خاف عليها ..

خالد بخوف : امنه للحين بطنج يعورج ؟!
امنه تتصنع الراحه : لالالالالا مافيني شي
خالد : والله اللي امبين شي ثاني
امنه : الحين الدكتور وينه ؟!
خالد : راح يشوف نتيجة التحاليل
امنه : يعني بتأخر هنيه ؟! وانا بفستاني .. ومكياجي ما مسحته عدل .. فشله جدام سلمان
خالد يضرب راسه بالخفيف : اووووووف سلمان نسيته برى ينطر
امنه طارت عيونها : احلف ؟!!! خل يروح البيت اشله قاعد
خالد : مافييه سياره الا وحده
امنه : عادي بنرجع مع تاكسي
خالد يتصل : انا بكلم صالح ايي وسلمان يرجع مسكين من مساعه هنييه
( وهو طالع ) شوي وايج


طلع وهي ردت على ورى .. واايه فديته سلمان بعد قلبي .. قاعد ينطر .. خايف علي .. وابتسمت .. ههههههههه وايد واثقه من نفسي انا .. شوي والا تلفونها يرررن .. والا رقم حوور

امنه : هلا والله حور حبيبتي ..
حور : وينج يالسباله ؟! هلكت وانا ادورج تعالي بسرعه الحين انا فالغرفه اخذ اغراضي الحين سلمان بيي
امنه : هههههههههههههههههههههههههههههههههه انطري لين باجر .. انا فالمستشفى

بعد ماقالت لها اللي صار تمت تقط نغزااات وامنه تسكتها .. بعد نص ساعه .. قالوا لامنه انه مافيها شي .. بس ماكله اكل خايس .. سوو لها غسيل معده .. وطلعت ..

...............................

فتحت عيونها بصعوبه تحس بالتعب للحين.. واشعة الشمس كانت داخله الغرفه شوي .. طالعت فوق واستغربت من المكان .. فركت عيونها وهي تقول انا وين ؟! .. قعدت على السرير وهي تتذكر اللي صار امس .. ابتسمت وقامت .. تمت تدور بدر بس السويت مافيه غيرها .. بي وينها ؟! .. حصلت ورقه على الطاوله .. فتحتها ..

" صبــاح الــــوـورد "لقلب من حلاه
تضيع بلاد...،
" صبــاح الــــوـورد "ياورد لريحته
غصب علي أنقاد...،
" صبــاح الــــوـورد "
يا أعذب من البسمه اذا جت في ضيق...،
" صبــاح الــــوـورد "
يا أصدق من الدمعة
على خد مشتاق...،

يابعد قلب بدر انا رايح السياره ايب شي وراجع لاتخافين اممممووااه

ابتسمت وحمرت خدودها من المستحى باست الورقه وشمتها الا ريحة عطره اللي تحبها وضمتها لصدرها .. فديتك والله حبيبي فديتك .. ااه يابدر .. الله لايحرمني منك .. والله اني كنت غلطانه لما رفضتك ماكنت ادري ان كل السعاده والحب بحصلها عندك .. تندمت على معاملتها له قبل واايد .. وقررت انها تعوضه بكل اللي تقدر عليه ..

خذت ملابسها .. ودخلت الحمام الله يعزكم وتوقفت تمت تتأمله .. رووعه وكشخه .. تسبحت وهي تحس بالنظاافه والراحه .. لبست تنوره قصيره ورديه .. وبادي ابيض فيه حلقات .. ولبست نفسهم تراجي .. حطت مكياج ناااعم وخفيف .. ظل وردي وفوقه ابيض .. وبلاشر وردي .. وقلوس شفاف .. طالعت نفسها الا هي جناااان .. حست انها حلوت بعد ماعرست .. لبست بوووت ابيض .. وطلعت الصاله تمشي بدلع .. وانصدمت بوجوده .. كان قاعد بثوب وكااب .. اول ما شافها ابتسم وهو مبت عليها كانت وايد حلوه ونعومه .. قعدت على الكرسي .. ونط عندها ..

بدر قرب منها : فدييت هالكشخه
شهد منزله راسها ومستحيه : من ذووقك
بدر ماد بوزه : قولي كلمه حلوه والا بزعل
شهد التفتت عليه وماتت من الضحك على شكله : هههههههههههههههههههه
بدر قام : تضحكين علي ها ؟!
شهد قامت بسرعه ولصقت فيه : لالا ما اضحك عليك ..
بدر راح وياب هديه مغلفه من فوق التلفزيون : تفضلي قلبي هاي صباحيتج
شهد : بييي ليش تكلف عى نفسك ؟!
بدر: الغالي للغالي

فتحت العلبه .. وانصدمت من اللي شافته .. طقم الماس حلو وغريب .. عقد واسواره ومعاهم تراجي وخاتم .. مااتت عليه
شهد : وااااااااو يهبل
بدر مستانس : عجبج قلبي ؟!
شهد تطالعه ببراءه وهي مستانسه : اينن اينن مشكور حبيب قلبي مشكور
بدر مااات على كلامها : الحمدلله اهم شي عندي انه عجبج لان خايف ان ذوقي مايعجبج
شهد وهي تضمه لصدرها : بعد روووحي والله ما اعرف شقولك احبك بدر احبك